Eh, həkimlər!.. - Günəşlinin solğun çöhrəsi narazı ifadə aldı. Həkimlərin bilmədikləri şeylər bildiklərindən çoxdur. Insanın əsas həkimi özüdür. Çəkdiyi iztirabların, keçirdiyi ağır sarsıntıların daxildə buraxdığı izləri heç kəs onun qədər bilməz.
-Ümidsiz olmaq yaxşı deyil, professor. Ümidlə səbir insanın ən böyük dostudur! Bunu mən sizin öz dilinizdən eşitmişəm.
- Ümidin də növləri var, Vüqar. Həqiqətlə səsləşəni və səsləşməyəni var.
Vidalaşmanın ən çətin, ən təsirli anları tabutun qapağı üstünə qoyub, bir neçə yerindən mismarla bərkidiləndə başlayır. Əbədi ayrılığın amansız vahiməsi, can yanğısı bu anlarda daha güclü olur.
Vicdanın güclü səsini hər zaman öz varlığında eşidən insanlar ən yüksək sosial qazanclara sahib olurlar. Belələrinin cəmiyyət qarşısında alnı açıq, başı dikdir. Təmiz vicdan ən obyektiv qisasdır...
Kitab öz dövrünün saflığı,gözəlliyi ilə yazılıb. Vidadi Babanlının axıcı dili məişət mövzularını maraqlı hala salıb. Atam oxuyan kitabı oxumaq,mənə daha maraqlı təsir bağışladı.Etdiyi qeydlərə nəzər salmaq,onları atamla müzakirə etmək əsəri mənim üçün yadda qalan etdi. Vüqar obrazı zehnimdə xoş izlər qoydu.