"...Seymurun gözləri yarıaçıq vəziyyətdə idi, onun yarasından axan qan yıxıldığı yerdə gölməçə əmələ gətirmişdi. Seymurun əynindəki idman şalvarıyla nazik, ağ maykası da qan içində idi. Əhməd başa düşdü ki, Seymur artıq ölüb. Amma yenə az da olsa, ümidi vardı. Vasif maşını həyətə salıb qarajın qabağına gətirdi, atası ilə köməkləşib Seymuru maşının arxa oturacağına uzatdılar. Atası qabaqda, Laləylə Elmira isə arxada oturdular. Vasif avtomobili sürətlə yaxınlıqdakı Şəhər Klinika Xəstəxanasına tərəf sürdü..."
