Zamanın Daha Qısa Tarixi
Leonard MlodinowEn Beğenilen Zamanın Daha Qısa Tarixi Sözleri ve Alıntıları
En Beğenilen Zamanın Daha Qısa Tarixi sözleri ve alıntılarını, en beğenilen Zamanın Daha Qısa Tarixi kitap alıntılarını, etkileyici sözleri 1000Kitap'ta bulabilirsiniz.İnsan gözünün görə bildiyi müxtəlif rənglər, əslində, işığın müxtəlif dalğa uzunluqlarıdır; spektrin bir ucundakı qırmızı rəng ən uzun dalğa uzunluğuna, digər ucundakı mavi rəng isə qısa dalğa uzunluğuna malikdir.
Sayfa 74Kitabı okudu
Qədim yunanlar gecənin qaranlıq səması ilə də yaxından maraqlanırdılar. Aristotel dövrünədək insanlar əsrlər boyunca gecə vaxtı səmada işıqların hərəkətlərini müşahidə etmişdilər. Onlar beş işıq istisna olmaqla (Ayı nəzərə almırıq), minlərlə işığın səmada birlikdə hərəkət etdiyini görmüşdülər. Qrup halında hərəkət etməyən işıqlar bəzən şərqdən-qərbə istiqamətlənmiş hər zamankı yollarından kənara çıxır, sonra eyni yolu qayıdırdılar. Bu göy cisimləri "səyyah" sözünün yunanca qarşılığı olan "planet" adlandırıldı.
Yunanlar ancaq beş planeti müşahidə edə bilmişdilər, çünki köməksiz gözlə yalnız bu beş planeti görmək mümkündür: Merkuri, Venera, Mars, Yupiter və Saturn.
Sayfa 16
Elmin Əsas Məqsədi
Elmin əsas məqsədi kaninatı bütövlükdə izah edən vahid nəzəriyyəni yaratmaqdır.
Sayfa 25
Fəza-zamanın bir sərhədi yoxdursa, sərhəd şərtlərindəki davranışları izah etməyə (demək ki, kainatın ilkin vəziyyətini bilməyə) ehtiyac da yoxdur. Fəza-zamanın Tanrıya istinad edərək açıqlamağa çalışacağımız bir kənarı, ya da yeni qanunlarla müəyyən edəcəyimiz bir sərhəddi yoxdur. Belə deyə bilərik: "Kainatın yeganə sərhəd şərti sərhədinin olmamasıdır". Kainat özü özünü ehtiva edir və özündən kənarda heç nəyin təsirinə məruz qalmır. Nə yaradılmışdır, nə də yox olacaq. Kainat sadəcə mövcuddur. Kainatın başlanğıcı olduğuna inandıqda bir yaradıcının yeri aydın görünür. Ancaq kainat özü özünü ehtiva edirsə, sərhəddi və ya kənarı, başlanğıcı və sonu yoxdursa, "yaradıcının rolu nədən ibarətdir?" sualının cavabı o qədər də aydın deyil.
Qalileo Qaliley
Bibliyanın məqsədinin elmi nəzəriyyələr haqqında fikir bildirmək olmadığını, Bibliyanın sağlam fikirlə toqquşduğu sahələrdə onun alleqorik oxunmalı olduğunu müdafiə etdi.
Sayfa 189
Eyni qayda ilə əgər indiki kimi yalnız böyük partlayışdan sonra nə baş verdiyini bilsəydik, böyük partlayışdan əvvəl nələrin olduğunu təxmin edə bilmərik. Fikrimizcə, Böyük Partlayışdan əvvəl baş verənlərin partlayışdan sonra baş verənlərə heç bir təsiri yoxdur və buna görə də onlar kainatın elmi modelinin bir hissəsi ola bilməzlər. Partlayışdan əvvəlki hadisələri modeldən kənarda qoysaq, zamanın partlayışla başladığını deyə bilərik. Bu, o deməkdir ki, “Böyük partlayış üçün şəraiti kim yaradıb?” kimi suallar elmin cavab axtardığı suallardan deyil.
Sayfa 90Kitabı okudu