Binê Dara Valêre de hetê ziwanî ra baş bi. Semedo ke fekê mintiqayêke de nênusîyabi û çekuyê lokalî tede kêmî bîyê baş fam bîyêne.
Hetê hunerî ra zî goreyê mi kitabêko serkewte bi. Merdim eşkayêne tede teswîranê serkewteyan bivîno.
Labelê hetê tayê rexnegiran ra îfade beno ke, ziwanê kitabî şîîrkî yo yan zî bi nê kitabî dîyar beno ke kirdkî de eserê modernî eşkenê bêrê nuştene. Ez nê rexneyî rast nêvînena. Ziwanê xo qasê "şîîrkî" bîyayîşî baş nêbi. Tîya de mubalexe beno. Û ez wazena vaja ke yan ma modernî ra fam nêkenê yan zî ma rexneyî ra fam nêkenê. Ez do meqaleyêke binusî û nameyê xo zî do bibo "Edebîyatê Kirdkî Modern Nîyo".
