Aydan Nemetova
@6746n
Şu anda okuduğu kitap
Bu qatarın dalınca baxma1000Kitap
Məni aldı səndən,getdi bu qatar,
Göydə bircə ovuc tüstüsü qaldı.
Saçında əlimin tumarı qaldı,
Ovcunda əlimin istisi qaldı.
Uzaqdan,yaxından keçər bu qatar,
Gecələr yuxundan keçər bu qatar.
Gülsən, gülüşünu doğrayar,biçər,
Ah çəksən,ahından keçər bu qatar.
Baxma,bu qatarın dalınca baxma,
Baxma,gözlərini yorunca baxma.
Qaşların altında cüt yarpaq kimi
Gözlərin saralıb-solunca baxma.
Mən getdim,dünya ki qaldı yerində.
Dünyanın payızı, baharı qaldı.
Ovcunda əlimin istisi qaldı,
Saçında əlimin tumarı qaldı...
Bu yaz yanınızdan ayırmak istemeyeceğiniz kitapları sizin için bir araya getirdik.
💬 Siz olsanız bu listeden hangisiyle başlardınız?
Mənim balam,bu dünyayla oynama1000Kitap
Mənim balam, bu dünyayla oynama,
Sən cavansan, dünya qoca dünyadı.
Düşmən nədi, dost evini dost yıxar,
Bilən bilir, dünya necə dünyadı.
Ömrə,günə etibar yox əzəldən,
Bir də dönüb yarpaq olmaz xəzəldən,
Beşiyindən bizə tabut düzəldən,
Bələyindən kəfən biçən dünyadı.
Kim nə anlar bu zalımın işindən,
Çoxlarını keçiribdi dişindən,
Möhkəm yapış papağından,başından,
Başdan papaq alıb qaçan dünyadı.
Ömürdən uzun yollar1000Kitap
Dəli kimi hara çapır bu yollar?
Sağa çapır, sola çapır bu yollar.
Dostu dostdan, yarı yardan ayırır,
Bir-birini necə tapır bu yollar?
Bu yollarda nə yorulduq, nə yatdıq,
Nə də yatan baxtımızı oyatdıq.
Bu yolları yaxşı saxla yadında,
Bu dünyaya, bəlkə, bir də qayıtdıq.
Bu yollar bizim yollar,
Qaraldı gözüm, yollar,
Çoxların yola saldı
Ömürdən uzun yollar.
Hər ömür bir tamaşadı,
Axırına gül də düşür.
Gözümüzdən yaş da duşür,
Alnımızdan tər də düşür.
Gah ovçu, gah ov oluruq.
Gah qovub, gah qovuluruq.
Bu gün tordan qaçan balıq
Sabah tora bir də düşür.
Göz yaşını silən kimi,
Dərdə-qəmə gülən kimi,
Dünya nədi - bilən kimi
Ömür bitir, pərdə düşür...
Cəfər Cabbarlının “Sevil” əsəri Azərbaycan ədəbiyyatında qadın azadlığı mövzusunu ən güclü şəkildə gündəmə gətirən əsərlərdən biridir. Yazıçı, Sevil obrazı vasitəsilə cəmiyyətin qadına qarşı qurduğu basqıları, ikili standartları və riyakarlığı ifşa edir.
Əsərdə tez-tez vurğulanan əsas ideya budur ki, qadının boynuna “namus” yükü yüklənir, amma kişi üçün bu anlayış sanki yoxdur. Sevilin dediyi sözlər bu reallığı çox dəqiq ifadə edir:
“Namus! Ha-ha... Nədir namus?.. Yalnız qadınların daşıyacağı bir yükdür. Sən hər gün bir dəqiqəlik zövqün üçün tuş gəldiyin hər bir qadına göz basırkən kimsə sənə namussuz demirdi. Lakin biz... bir parçacıq çörək üçün birinə yanaşdıqda bütün bayquşlar səs-səsə verib: “Fahişə, fahişə” – deyə ulaşırlar.”
Bu fikirlər cəmiyyətdəki ədalətsiz münasibəti açıq göstərir. Əsərin gücü də elə buradadır – o, reallığı gizlətmədən, bütün çılpaqlığı ilə oxucunun üzünə deyir.
Məhəmmədəli bəy – özünü ziyalı kimi göstərməyə çalışan, amma əslində cahil və saxta bir insandır. Onun haqqında Gülüşün dediyi “Özü də, orijinal görünmək üçün nə desələr, zidd gedir. Adını deməyə özüm də qorxuram, birdən boynuna düşsə, öz adını da danar” sözləri onun nə qədər prinsipsiz olduğunu göstərir.
Əbdüləli bəy – müstəqil fikri olmayan, sadəcə hər kəsə yaltaqlanmaqla məşğul olan obrazdır. Yazıçı bu simada düşüncəsiz insan tipini ifşa edir.
Dilbər – özü əxlaqsızlıq etdiyi halda başqalarını qınayan, riyakarlığı ilə seçilən qadın obrazıdır. Onun davranışları, cəmiyyətdə tez-tez rast gəlinən “özünü pak göstərən, amma eyni səhvləri edən” insanları xatırladır.
Gülüş – əsərdə ən realist və kəskin obrazdır. O, başqalarının saxtalığını üzlərinə vurur və onları reallıqla üz-üzə qoyur.
Əsərin əvvəlində deyilən bu cümlə isə bütün ideyanı ümumiləşdirir:
“Həyat yolu uçurum üstündə çəkilmiş
