Aydan Nemetova
@6746n
Şu anda okuduğu kitap
Bu yaz yanınızdan ayırmak istemeyeceğiniz kitapları sizin için bir araya getirdik.
💬 Siz olsanız bu listeden hangisiyle başlardınız?
Nə kədərli, nə şən oldum1000Kitap
Nə kədərli, nə şan oldum,
Tənələrə nişan oldum.
Getməyə peşiman oldum....
-...gəlməyə də, gəlməyə də....
Güllərim yoluq-yoluqdu.
Əllərim soyuq soyuqdu,
Ağlamağa səbəb yoxdu...
-...gülməyə də, gülməyə də...
Adımızı kimsə öyməz,
Qapımızı kimsə döyməz.
Dünya yaşamağa dəyməz...
-...ölməyə də,ölməyə də...
Qalsın1000Kitap
İlahi,kaş bu dünyada
Haqq yolunu tutsun adam.
Çaşıb ayrı yolla gedən
Yollar ayrıcında qalsın.
Kim yalan söz deyəcəksə,
Əyriyə düz deyəcəksə,
Yaxşıya pis deyəcəksə,
Dilinin ucunda qalsın.
Ucaları yendirməyək,
Kim susursa, dindirməyək,
Çıraq yansa, söndürməyək,
İşığı içində qalsın.
1973
Mən bura özümü görməyə gəldim1000Kitap
Mən bu ağlamalı, mən bu gülməli
dünyaya ağlayıb-gülməyə gəldim.
Bir dünya tapılmaz bundan ölməli,
mən də tamahlanıb ölməyə gəldim.
Hələ bu dünyada izim yoxuydu,
Hər şeyi görürdüm,gözüm yoxuydu,
Hələ ruhum vardı,özüm yoxuydum,
mən bura özümü görməyə gəldim.
Mənə də yer çatar, dünya dar deyil,
Biz balıq deyilik,dünya tor deyil,
"Allah göydən baxır, Allah kor deyil!.."-
sizə bunu xəbər verməyə gəldim.