Doyunca söhbət eləyə bilmədilər, heç əməlli-başlı vidalaşmağa da macal tapmadılar. Bir də ki, zəmanə beləydi. Hər kəsin yetərincə yarımçıq sözü, dilinə gətirə bilmədiyi çoxlu fikri qalmışdı! Çətin ki o dövrdə xalqın qəlbində olanları kimsə sözlə ifadə eləyə bilsin.
Gəlininə bəxş edilməyəcəksə, o da qayınanası kimi başıbəlalı olacaqsa, onda o xoşbəxtliyin işi-peşəsi nədir, kimə, hansı qadına çatmalıdı ki? Axı onsuz da bu dünyada ömür sürmək həddən artıq çətindi...
Bütün zamanlarda sayları milyon dəfələrlə çox olan kasıbların varlıları görməyə gözü yoxdu. Amma ziddiyyətə bax ki, bununla belə, hamı milyarder olmaq istəyir.
Kimin ağlına gələrdi ki, ümumi məsələləri çox ağıl-kamalla müzakirə eləyən adamın başına eyni zamanda gerçəklikdən uzaq şeylər də gələ bilər, bunun isə, güman ki, heç bir izahı yoxdu, ola da bilməz? Külək dağların arxasında əsirsə, o biri tərəfində budaqlar heç də həmişə tərpənmir.