Atlaz
@Atlaz
Uzun zaman sonra...Psikolojik-Gerilim
Uzun zaman sonra sevdiyim yazıçının qələminə qayıtmaq və yenə zövq almaq...
Düzü, digər kitablardan heç də güclü olduğunu düşünmürəm. Digər əsərlərini oxuyanda daha çox düşünür, vahimələnirdim.
Kitabın əsas qəhrəmanının Anna Veqman olduğunu düşünürəm.
- "O, həmişə deyirdi ki, həyatda hər bir əməliniz bir gün özünüzə qayıdacaq, hər bir əməlinizin altını çəkəcəksiniz."
Bəli, Anna Veqmanın niyyəti yaxşı olmasına baxmayaraq o, bu əzablı hekayənin əsasını qoydu.
- Roman boyu özümü Saşada görürdüm.
Yaşananlara məntiqi bir izah tapmaq istəyirdi, digər tərəfdən marağı və kömək etmək istəyi onu bu hadisələrin içinə sürükləyirdi.
- "O, ac idi, doyunca yaşamamışdı..."
Venessanın vəziyyəti tək cümlə ilə kitabda təsvir olunub. Kitabdaki ən maraqlı, təzadlı obraz idi.
Son olaraq deyə bilərəm ki, bu əsər də digərləri kimi axıcıdır.
Bu əsərdən sonra thriller janrına, bu tərzdəki əsərlər bir müddət qayıtmamağı düşünürəm.
Spoiler verməmək üçün əlimdən gələn qədər üstü qapalı və qısa yazmağa çalışdım.
* Son incələməmdən bu günə oxucu yoldaşlarım da çoxalıb və bunların arasında yaxından tanıdıqlarım da var. Əlavə və düzəlişlərinizə açığam)
Bu yaz yanınızdan ayırmak istemeyeceğiniz kitapları sizin için bir araya getirdik.
💬 Siz olsanız bu listeden hangisiyle başlardınız?
Sonsuzluq ovcunun içində,
Əbədiyyət bir saatın içində.Mutluluk
Kitab xoşbəxtlik haqqında olsa da, oxuduqdan sonra xoşbəxt olacağımızı vəd etmir. Elə bil yazıçının qaralamalarıdır, hətta hansısa səhifəsində bunu özü də yazmışdı səhv etmirəmsə. Məncə ən gözəl yanı da budur. Xoşbəxtlik mövzusunda yazılan bir çox şəxsi inkişaf kitablarından buna görə fərqlənir.
Kitabı oxuduqdan sonra, doğrudan da, böyük bir aydınlanma yaşamadım. Qürur, qəzəb kimi hislərin xoşbəxtliyimizə ən böyük maneə olduğunu, sadəliyin, sevginin, dostluğun isə bizim bu yolda ən böyük köməkçimiz olduğunu bilirdim. Yazıçı bunu daha geniş şəkildə öz fikirləri və bir çox tarixi şəxsiyyətlərdən sitatlarla daha izah edir.
Belə nəticəyə gəldim ki, "Balaca şahzadə", "Alisa" və "Vinni Pux"a necə də diqqətsiz qulaq asmışam. Bu kitabda ən dəyərli dərsləri onlardan aldım. Tezliklə filmlərinə yenidən baxıb kitablarını da oxuyacağam.
Əlimdə olsa, bütün cümlələrinin altından xətt çəkərdim. Oxuyarkən dincəldiyim bir kitab oldu.
#164334901
Google translate tərcüməsi...
Əsərdə nədən söhbət getdiyini tam olaraq yaza bilməyəcəm, çünki o qədər pis tərcümə olunub ki, nə oxuduğumu demək olar anlamamışam.
Məncə, əsərin özündə də bəzi qüsurlar var. Məsələn, əsas hadisələr səhifə 100-dən sonra başlayır. Üstəlik, bir hadisədən digərinə keçidlər elə uğursuz alınıb ki, oxuyarkən tez-tez başım qarşırdı.
Yazıçının digər kitablarına göz atdım və gördüm ki, əksərən bəyənilir. Belə nəticəyə gəldim ki, yenə "Qanun" nəşriyyat qurbanı oldum.
İncələmə deyil.
Birlikdə oxuduğum digər kitab olmasa 2 gündə bitirə bilərdim.
Ən bəyəndiklərim (13 hekayə, 4 nağıl) "Bahtiyar köpek", "Dekolman", "Hakkımızı yedirmeyiz!", "Sırça köşk"oldu.
Oxuyarkən tez-tez ağlıma bir fikir gəlirdi ki, S.Ali bilsəydi ki, belə insanlar azalmaq yerinə çoxalıb, hətta ən çox irəli gedən onlardı, bəlkə də təəccüblənməzdi, amma hər halda xəstəliyə düçar olub özünə gələ bilməzdi:)
Xəyal gücü geniş bir kitabdır.
Kitab dilindənmi, yoxsa yoxsa mürəkkəb yazıldığındanmıdır, əziyyətlə oxudum. Bütün tətili ,demək olar, buna xərclədim, çünki başladığım kitabı bəyənməsəm də, heç vaxt yarıda qoya bilmirəm.
Bir çox yerini oxuyarkən içim isinirdi, obrazlarla eyni hisləri yaşadığım yerləri olurdu. Lakin özüm üçün yeni bir şey görmədim. Ümumi götürsəm yaxşı kitabdır, amma gözləntimi qarşılamadı.
