F. Aydamir
@Aydamirova
Dünya, kitap raflarında saklıdır...
Şu anda okuduğu kitaplar
Qadın nə qədər gözəl olsa, bir o qədər ağıllı olmalıdır. Çünki gözəlliyin ona gətirdiyi zərərə ancaq ağlı ilə müqavimət göstərə bilər.
- Lev Tolstoy.
Reklam
Heç sağol deməyə gəlmirdi dilin,
"Əlvida" deyəndə , utanmadınmı?
Günahkar sən özün olduğun halda,
Bəxtini söyəndə, utanmadınmı?
Deyirdin məhəbbət dağları aşır,
Sevginin önündə hər duyğu çaşır,
Deyirdin; ağ sənə gözəl yaraşır
Mən qara geyəndə utanmadınmı?
Ey, səhvlərindən doymayan insan,
Etdiyi səhvləri saymayan insan.
Əlimi tutmağa qıymayan insan,
Qəddimi əyəndə utanmadınmı?
Deyirdin, ayırmaz bizi heç ölüm,
Bəs indi kim öldü, cavab ver görüm..
Ömrüm dediyin insanın, gülüm,
Ömrünü yeyəndə utanmadınmı..?!
F.A.✒
Havalar soyuyub, çalış üşümə,
Üşüsən əlindən tuta bilmərəm.
Sən mənim eşqimin göylərindəsən,
Nə qədər yüyürsəm, çata bilmərəm...
Havalar soyuyub, çalış üşümə,
Çalış ki, qəlbinə soyuq dolmasın.
Qəlbini soyuğa qısqanıramsa,
Daha bu sevgidən şübhən olmasın...
F.A.✍
İndi kimin yolunda, çiçəy olub solursan,
Bir vaxtı yollarında, bağ saldığım vəfasız..?
İndi kimin yolunda dayanmadan qaçırsan,
Ey sənin yollarında, tək qaldığım vəfasız..?
Söylə kimin yolunda, ölürsən, dirilirsən,
Yenə kimin qəlbini ayağına sərirsən?
Özgələrin gözündə, nəmi belə silirsən,
Ey yolunda yağış tək, ağladığım vəfasız..?
Sən naxələf çıxarsan, eyləməmişdim xəyal,
Xəyanət sənin üçün, bəlkə də ən adi hal.
İndi özgə saçlara necə çəkirsən sığal,
Ey saçının telini saxladığım vəfasız..?
F.A.✒
Dumansız dağlara dağ deyilərmi,
Sən mənim dumanım, çənim olmusan.
Bir vaxtlar ahəstə sığal çəkdiyin,
Saçımda zamansız dənim olmusan..
Əgər istəmirsən, inanma mənə,
İnanma saçımda zamansız dənə.
İstəsən, ömrümü verərdim sənə,
Amma sən ömrümə qənim olmusan..
Getmisən, əlvida! Bir də qayıtma,
Amma son sözümü, yaddan çıxartma:
Özgəni sevsəndə məni unutma,
Axı bir zamanlar, mənim olmusan...
F.A...✒