Serhad Yusuf
@Bediryus
“Kötü bir anıyı unutmanın en iyi yolu güzel bir tanesiyle değişmektir.”
Çi gava çavên xwe digirim û berê ramanên xwe ber bi welêt ve diguhêzim, bê hemd navçavên çiyayên Agirî ên bilind û pirberf tên ber çavên min.
Pir çû-hindik çû
Sivik çû-giran çû
Çol û çolistan bû
Qûm û qûmistan bû
Dêm û dêmistan bû
Serî sergerdan bû...
Di deştan da derbas bû,
Di zozanan da xwar bû...
Di çiyan da welgerya goştê pezkûviya xwar,
Kete çolan, avê golgeniya vexwar...
Rastî rêwî û bazirgana hat,
Rastî rewil û nêçîrvana hat...
Rastî çê û başa hat, dilgeş bû,
Rastî neçê û xiraba hat, dil-reş bû...
Rêwitiya wî ya dirêj gelekî kudand,
Silêmîn bi roj û meha çû, rê qedand.
Hatina qulingê hêz û quwetekî nû da Evdal. Dilê wî yê birîndar disan geş bû û devê wî vebû. Quling jê re bû hêncet ku ew derd û keserên xwe bike stran.
