Məsələn, mənimçün kommunist partiyasının üzvü ilə Barselonanın küçə döyüşlərində kimin haqlı, kimin günahkar olmasıyla bağlı mübahisə etmək mənasızdır, çünki heç bir kommunist - heç bir “sadiq” kommunist - mənim hadisələrin faktiki gedişatı haqqında həqiqəti dediyimi etiraf eləməz. Əgər o, “partiya xətti”nə kor-koranə əməl edirsə, onda məni yalan danışmaqda və ya əsaslı şəkildə yanılmaqda ittiham etməyə, üstəlik də olayların mərkəzindən minlərcə mil uzaqda olan “Deyli Uorker” jurnalistlərinin Barselona hadisələrindən məndən yaxşı baş çıxardıqlarını əlavə etməyə məcburdur. Burada hansı müzakirələrdən danışmaq olar?
“Körpüsalanlar” İlyas Əfəndiyevin yəqin ki, oxuduğum sonuncu əsəridir. Süjet xətti marağımı çəkən bu əsər artan-enən tempi ilə məni özünə bağlamışdı. Həyatının mənasını tapdığını dediyimiz Səriyyə açığı məndə qıcıq hissi yaratdı. Adilin hissələrində isə ona xeyli yazığım gəldi. Qərib də məndə qıcıq hissi yaradırdı. Çünki Səriyyənin hislərini duymamış deyildi və onun vəziyyətini anlayıb oradan gedə bilərdi. Ancaq Qəribin də Səriyyəyə qarşı boş olmadığını və dostları atmağın da çətin olduğunu fikirləşəndə bəzən bu qıcıq hissim itirdi. Ümumilikdə bu əsər çox xoşuma gəldi. Ətrafımda buna oxşar hadisələrə rast gəlmişəm. Sona yaxın hər 1 səhifəsi, ömrümdən gedən 1 ilmiş kimi hiss etdiyim bu əsərlə belə inceleme ilə sağollaşmağı özümə borc bildim. Bura qədər gələ bildinizsə təşəkkürlər!