Fidan Qabib
@FidanQabib
Azərbaycan dili və ədəbiyyat müəllimi
2/4
Azərbaycan
Azərbaycan
9 okur puanı
Ocak 2023 tarihinde katıldı
Dünyanın ən şirin pişiyiEdebiyat
Adı: "Sokak Kedisi Bob" (A street cat named Bob)
Yazıçının adı: James Bowen
"1000 kitap" balı: 8.6
Mənim balım: 9
Kitabın çap ili: 2013
Smut: yoxdur
Seriya: Bob The Cat (1)
Səhifə sayı:224
Növ: Avtobioqrafiya
James Bowen-in həyatından bəhs edən "A Street Cat Named Bob" bir küçə pişiyi ilə evsiz bir adam arasında qurulan təbii, amma çox güclü bir dostluğun hekayəsidir. Kitabın əsası Bob-un Ceymsin həyatına daxil olaraq ona yalnız dostluq deyil, ümid və sevgi gətirməsidir. Bob bir pişikdən çox Jamesin həyatına mənalar qatmış, ona tənhalıqdan, çətinliklərdən qurtulmaq üçün səbəb olmuş bir varlıqdır.
Kitabın ən dəyərli tərəfi Ceyms və Bob arasındakı əlaqənin emosional dərinliyidir. Hər ikisi bir-birinin həyatını dəyişdirir və sanki bir-birilərini tapmış olur. Bob-un Ceymsə verdiyi dəstək real həyatda da bir insanın qarşısındakı çətinliklərə sevgi və bağlılıqla necə sinə gərdiyini göstərir.
"A Street Cat Named Bob" sadəcə bir pişiklə sahibinin dostluğunun deyil, həyatın kiçik, amma əhəmiyyətli gözəlliklərini anlatan bir hekayədir. Bu kitabı oxumaq yalnız Bob’un hekayəsinə deyil, sevgi və ümid dolu bir dünyaya səyahət etmək kimidir.
0-30p: Kontrollü okuyucu 📖
40-70p: Hafif bağımlı 👀
80p+: Geçmiş olsun, kitaplar seni ele geçirmiş 😅
Yazıçısının Axie Oh–"XOXO" kitabının (oxumamışam, lakin çıxdığı andan etibarən məşhur olduğu üçün bilirəm) yaradıcısı olduğunu bilmədiyim (kitabın ortalarında araşdırmaq yadıma düşdü) bir kitabla qarşınızdayam.
Yazıçının qələmindən oxuduğum ilk kitabdır, lakin məndə yazıçıya qarşı rəğbət oyanmasına səbəb oldu.
Əsər Mina adlı 16 yaşında bir qızın özünü "Dəniz tanrısının gəlini" olmaq uğrunda fəda etməsiylə başlayır. Kitab boyunca Mina sırf xalqının rifah içində yaşaması üçün əlindən gələni edir.
Yaşına baxmayaraq çox cəsarətli bir addım atan Mina bu macərada özünə yeni dostlar tapır. Hə, kitabın ən maraqlı hissəsi də məhz budur; dostluq və fantastika sevginin kölgəsində qalmayıb. Şəxsən mənim ən çox sevdiyim obraz Kirin və Namgi idi. Namgini sevməyim normaldır; çünki bir çox əsərdə belə obraza rast gəlinir və bu mənim ən sevdiyim xüsusiyyətlərdən biridir, amma yazıçı onun əsl həyatını bizə yavaş-yavaş göstərməklə obrazın dərinliyini qurmağı bacarıb. Digər tərəfdən Kirinin həyatını oxumamaq bir az qəlbimə toxundu. Onunla o qədər ortaq cəhətimiz var idi ki...
Digər baş rollarımız Shin və "Dəniz tanrısı" idi. Təəsüf ki, "Dəniz tanrısı"nın əsl adını sona qədər öyrənə bilmirik (heç sonda da real adını öyrənmirik). Hekayəni oxuduqdan sonra, bəlkə də, bu yazdığım cümlə ağlınızı qarışdıracaq, heç nə olmaz. Mən sadəcə spoyler vermədən fikrimi çatdırmağa çalışıram.
İlk başda Minanı kiminlə yaraşdıracağınızı bilmirsinizsə, sizə xoş xəbər, sona qədər iki yol arasında qalırıq. Sevgi üçbucağından nifrət edən biriyəm, amma kitabda bu elə az təsvir olunub ki, insan öyrəşə bilir. Əlbəttə, sondakı bir hadisə bütün psixologiyanızı pozur, amma məncə o halda birindən gözlənilə biləcək bir təklif idi. Axı onu yeganə anlayan o idi...
Spoyler verməmək üçün özümü zor saxlayıram, üzrlü sayın
