Oxunub qurtarmış kitab deyiləm,
Götürüb qoyasan kitab rəfinə.
Arabir təkrarçün yadına düşəm
Açıb oxuyasan başqa birinə.
Səninçün deyiləm bayram paltarı,
Şənlikdən - şənliyə yadına düşəm
Gözləyə bilmərəm bu bayramları,
Durub gözləməyi öyrənməmişəm.
Saxlaya bilməzsən ehtiyat kimi
Məni həmişəlik ehtiyatda sən.
Heç kim verə bilməz mənim yerimi,
Çətin başqasını əvəz edəm mən