Gümella Cabbarova
@Gumella
Elə indicə, əhvalımın pis olan vaxtı kitabxanamdan gözümə bir kitab sataşdı, düzdü filminə bələd idim az-çox, amma kitab rəfimdə olmasına baxmayaraq, oxumamışdım, düzü səhv etdiyimi düşünürəm
Kitabı açdım, ilk 50 səhifəni birnəfəsə oxudum.
Qısaca kitabı oxuyarkən hiss etdiklərimi deyəcəm…
Ən çox İzmirin monoloqları xoşuma gəldi. Danışığı elə səmimidi ki, adamın üzündə istər-istəməz təbəssüm yaranır. Nə artıq romantikdi, nə də soyuq. Laubalı-zarafatcıl, amma yerində dərin. Xüsusilə Egeyə yazdığı ilk mesajlar, o “səni tanımıram, amma darıxıram” tipli cümlələri... Oxuyanda gülümsədim. Sözün düzü, çoxdan belə səmimi dialoq oxumamışdım.
Kitabın ab-havası qəribə hüzurludu. Məsafə 3391 km olsa da, yazışmalar o qədər canlıdı ki, məsafə hiss olunmur. Qısa-qısa mesajlar, real söhbət kimi axır. Başım qarışıq idi, amma bu 50 səhifə məni sakitləşdirdi. Beynimi dağıtdı. Oxuyanda dincəldim.
Mövzu olaraq xoşuma gəldi ki, iki insan bir-birini görmədən bağlana bilir. Sözlə, hisslə yaxınlaşırlar. İzmirin Egenin susmağından belə məna çıxarması, detallara fikir verməsi kitaba dərinlik qatır.
İlk 50 səhifə üçün deyə bilərəm: Türk dilində olmasına baxmayaraq, dil yüngül, axıcıdı. Ruh halı pis olanda belə, oxuyub hüzur tapmaq olur. İzmirin replikaları isə kitabın ən işıqlı tərəfidi. Məni gülümsətdi, o bəsdi.
Davamını oxumaq üçün səbəb verdi.
__Mənim fikrimcə, “Kuyucaklı Yusuf” çox təsirli və düşündürücü bir romandır. Əsəri oxuyarkən insanın taleyinin bəzən necə çətin yollarla qarşılaşdığını aydın şəkildə görmək olur. Xüsusilə Yusuf obrazı mənə çox fərqli təsir bağışladı. O, sakit, qapalı və içində çox şey yaşayan bir insandır. Cəmiyyətə çox qarışmasa da, içində güclü bir ədalət hissi var.
Romanı oxuduqca hiss etdim ki, müəllif cəmiyyətin bəzi ədalətsizliklərini və insanların bir-birinə qarşı davranışlarını çox real şəkildə göstərir. Bəzi obrazlar öz maraqlarını hər şeydən üstün tuturlar və bu da baş qəhrəmanın həyatını çətinləşdirir. Bu isə oxucuya göstərir ki, bəzən yaxşı və dürüst insanlar cəmiyyət içində daha çox çətinlik yaşayırlar.
Məncə əsərin ən təsirli tərəfi onun real və səmimi olmasıdır. Hadisələr sanki həyatda baş verirmiş kimi təsvir olunub. Bu da kitabı daha maraqlı və təsirli edir.
Ümumilikdə, “Kuyucaklı Yusuf” mənə insanların xarakteri, cəmiyyətin təsiri və ədalət anlayışı haqqında çox düşündürdü. Mən bu romanı oxuyan hər kəsin müəyyən hissələrdə özünü və ya ətrafındakı insanları görə biləcəyini düşünürəm.__
Kitabın 42-ci səhifəsindəyəm, mövzu hələ ki yavaş ilərlədiyi üçün biraz sıxılmış ola bilərəm, amma bu kitab haqqında oxurlar çox yaxşı fikirlər irəli sürdüyü üçün oxumağa davam edib, bir şans daha vermək istəyirəm. Ümid edirəm yarıda buraxmaram…
