Dənizdə olduğu kimi, insanı da onun dərinliyinə enmədən tam kəşf edə bilməzsən. İnsanın daxilini tanımadan xarici görünüşünə görə mühakimə etmək qərəzli davranışdır və ona qarşı ən böyük haqsızlıqdır.
Mən həyatı həyatın özündən öyrənməyə çalışmışam – görməklə, anlamaqla və müşahidə etməklə. Fəlsəfəmin mənbəyi – həyatdakı səhvlərim və onlardan aldığım dərslərdir. Vaxt gələcək və mənim yaşıma çatanda geri dönüb yaşadıqlarına baxaraq sən də eyni şeyləri deyəcəksən. İnsanın həyatındakı ən böyük müəllimi – yaşadıqlarıdır.