Nurshan
@Nurshann
Bibliophile
Şu anda okuduğu kitap
Məni tanıyanlar bilir ki, Elxan Elatlının yaradıcılığını çox sevirəm və onun kitablarını həmişə maraqla oxumuşam. Buna görə də müəllifin diqqətimi çəkən əsərlərini oxumağa çalışıram. Lakin etiraf etməliyəm ki, bu kitabı oxudum qədər də sevmədim.
Kitab təxminən 400 səhifəyə yaxındır və mən onu oxumaq üçün bir həftəyə yaxın vaxt sərf etdim. Təəssüf ki, kitabı bitirdikdən sonra ona ayırdığım zaman üçün düşünməyə başladım. Mənim fikrimcə, kitabda xüsusi diqqətimi çəkən və ya uzun müddət yadda qalan bir mövzu yox idi. Əsər daha çox adi bir Azərbaycan ailəsinin həyatından və gündəlik problemlərindən bəhs edir.
Bu, tamamilə şəxsi fikrimdir. Ola bilsin ki, bəzi oxucular kitabdakı ailə münasibətlərini, hadisələri və personajları məndən daha maraqlı hesab etsinlər. Amma mənim üçün "Susan Qadın" müəllifin digər əsərləri ilə müqayisədə zəif qalan kitablardan biri oldu və onu xüsusi olaraq tövsiyə edə bilmərəm.
Reklam
Bu kitab haqqında ilk deyəcəyim şey odur ki, həqiqətən çox bəyəndiyim kitablardan biri oldu. Onu həyatımın bir az çətin və qaranlıq dövründə kəşf etdim və oxumağa başladım. Düşünürəm ki, kitabın mənə bu qədər təsir etməsinin səbəblərindən biri də məhz həmin vaxt qarşıma çıxması idi.
Oxuduqca hiss etdim ki, kitab insanın özünü daha yaxşı tanımasına və həyata fərqli gözlə baxmasına kömək edir.
Ümumiyyətlə, Louise Hayın kitablarını həmişə motivasiyaedici və faydalı hesab etmişəm. Bu kitab da məndə eyni təəssüratı yaratdı.
Gələcəkdə müəllifin digər kitablarını da oxumağı düşünürəm. Şəxsi inkişaf mövzusuna marağı olanlara isə bu kitabı tövsiyə edirəm.
Bu məşhur kitab mənim də diqqətimi çəkdi və onu oxudum. İlk dəfə əsəri 15 yaşımda oxumağa başlamışdım, lakin etiraf etməliyəm ki, o zaman demək olar heç nə başa düşmədim. İllər sonra kitabı yenidən oxuduqda isə bəzi məqamlar mənə daha aydın oldu.
Əvvəlcə onu qeyd etmək istəyirəm ki, müəllifin oxucuya çatdırmaq istədiyi əsas fikir olduqca dərin və təsirlidir. Əsərin ideyası həqiqətən də diqqətəlayiqdir. Lakin mənim fikrimcə, problem bu ideyanın təqdimatındadır. Hadisələr o qədər mürəkkəb və sıx şəkildə təsvir olunub ki, bəzən oxumaq çətinləşir və oxucunun marağı azalır.
Şəxsi düşüncəmə görə, Kafka eyni ideyanı daha aydın və sadə üslubda təqdim edə bilərdi.
Animal Farm çox sadə görünən, amma içində olduqca dərin məna gizlədən kitablardan biridir. İlk baxışda heyvanların həyatından danışan bir hekayə kimi görünsə də, oxuduqca bunun əslində cəmiyyət və idarəetmə sistemi haqqında yazılmış ciddi bir tənqidi əsər olduğunu insan anlayır.
Kitabda gücün necə əl dəyişdirdiyi, insanların fikirlərinin zamanla necə təhrif olunduğu və cəmiyyətin necə idarə və manipulyasiya edildiyi çox açıq və aydın şəkildə göstərilir. Ən təsirli tərəfi isə odur ki, hadisələr sadə dillə yazılıb, amma verdiyi mesaj məncə zamanlar boyunca aktual qalacaq qədər güclüdür. Mənim fikrimcə, kitabın ən güclü tərəfi də məhz budur. Adətən bu mövzuları izah etmək üçün yüzlərlə səhifə yazmaq lazım gələrdi, amma bu qədər qısa bir əsər belə çox daha dərin təsir yarada bilir. Ümumilikdə həm ədəbiyyat, həm də siyasi baxımdan çox dəyərli bir kitabdır və idarəetmə, siyasət və cəmiyyət mövzuları ilə maraqlanan hər kəs tərəfindən oxunmalıdır.
Müəllifin oxuduğum ilk kitabı oldu və məndə çox güclü təsir buraxan əsərlərdən biri kimi yadda qaldı. Oxuduğum kitablar arasında mənim üçün ən unudulmazlardan biridir. Kitabda insanın daxili dünyası, həyatla bağlı düşüncələri, qərarsızlıqları və tərəddüdləri çox sakit, amma eyni zamanda ağır bir tərzdə verilib. Oxuduqca elə hiss yaranır ki, bəzi məqamlarda insan öz həyatını, öz seçimlərini və öz içində yaşadığı ziddiyyətləri görür.
Məncə, əsərin ən güclü tərəfi insanın yaşadığı ağır psixoloji halları sadə, amma dərin bir dillə göstərməsidir. Bu kitab nə oxucunu yorur, nə də hadisələri şişirdir, amma insanı mütləq şəkildə düşünməyə vadar edir. Ümumilikdə sakit, amma təsiri uzun müddət qalan kitablardan biridir. Məncə, ədəbiyyatı və psixoloji mövzuları sevən hər kəs bu kitabı oxumalıdır.
Reklam