Kadir CİBA
@Raskolyevski
Deneme Yazarı
Lisans
Antalya
Isparta, 5 Şubat
187 okur puanı
Temmuz 2022 tarihinde katıldı
Sa'diye:Şiir
Bir demdi ki yâran ile sohbet ederdi
Şimdi ne yapar Bordeaux'da" Sa'diye-i Zerdî
Men hasta-dilin dahi bir ablası da oldur
Lûtf u kereminden bana bu pâyeyi verdi
Halletmek için felsefe-i bûd u nebûdu
Terketti bizi postumu gurbetlere serdi
Ben olmuş idim vüs'at-i irfânına hayrân
Hulkundaki evsâf ise bir bahs-i digerdi
Belkîs:
Bendimde nasıl anmıyayım Belkîs'ı ben ki
Bin sabrile gûş etdi derûnumdaki derdi
Cânân ile sohbetler ederken o da vardı
Eyvâh o ne günlerdi ne demlerdi nelerdi
Şimdi bu cefâ-gehte o Leylâ ise ben Kıys
Zeyd oldu bu nev kıssa-i Mecnûn'da Belkîs
NahidŞiir
Bir kâra şurû eyledi kim şimdi dil-i zâr
Terketmesi güç başlaması haylice düşvâr
Müşkil olacak zâtını vasfetmesi gerçek
Ol müşkili yapmakta bile başkaca tad var
Mirrih-misil duhter-i hurşîd-sıfat kim
Rahmetmesi yok âşıka lûtfetmesi âzâr
Eyvâh onun istemeyin vasfını benden
Ben anlatamam aczimi de eylemem inkâr
Yalnız onu bir gün görerek şöylece tenhâ
Açsam ona kalbimde duran ukdeyi tekrâr
Mâdem ki mey-i aşkı kâbul etmeyecekdin
Niçün kadeh-i kalbi şikest eyledin ey yâr
Sus böyle dırâz eyleme âvâzını pest ol
Sus kâmil isen bâde-is hicrân ile mest ol
Mehpare:Şiir
Nazmım sana ilk önce hitâb eyledi Abla!
Zannımca kalem bunda savâb eyledi Abla!
Mihnet-geh-i dünyâ ki bir alûde sadefdir.
Yalnız seni hâlık dür-i nâb eyledi Abla!
Akıllere cevretmesi âdetdir anın-çün
Bahtın sana da hayli azâb eyledi Abla!
Hak sordu bütün hilkati ma'nâlı yüzünde
Sorduklarına kendi cevâb eyledi Abla!
Hissetdi ki âlemde anın gayrisi boşdur
Ezvâkını da vasf-ı kitab eyledi Abla.
Belki yanılup âdem olur zannına düşdi
Ben âcize de hayli itâb eyledi Abla.
Sen kendine devretme lâfı hatm-ı kelâm et
Mehpâresidir felsefenin Ablamız elbet.
-Mukaddime-Şiir
Ey hâme senin âdet-i dîrînen elemdir
Çün baht-ı siyahın sana bahşîşi sitemdir
Bir hayli zamândan beri terketdin arûzı
Bir hayli ki hemdem sana peymâne-i Cemdir
Mihnetzede-i dehre tehekküm yaraşır mı
Sen mi bizi handân edeceksin bu ne demdir
Hâmem diyor hiddetle dönüp ey koca gaafil
Usturpa değil dest-i sakîlinde kalemdir.
"Ekrem Reşit'in bendini gördükde susulmaz
Susmak reh-i ma'nîde koşan tab'ıma gemdir.
Ben vasfedeyim zümre-i yârânı da âlem
Görsün sipihr-i nazma kimin bendi alemdir.
Lâkin yeter ey hâme tefâhür, işe başla
Ekrem gibi bir kuş vuramazsın iki taşla.
-(DER VASF-I YARAN-I TERKİB-İ BEND)-Şiir
Rubâ'i
Derdin beni âmâde-i nûş eyler yâr
Destimde kalem böyle hûrûş eyler yâr
Yârânı birer bahânedir vasfetmek
Yâdınla gönül bak nice cûş eyler yâr
Beyt
Bendimin rencîde olman aşikâr imâsına
Ben neler koydum anın her beyt-i bî-ma'nâsına.