Shahla Maharramova
@ShehlaM
Potterhead
Uluslararasi ilişkiler
Bologna,Italya
Bakı , Azərbaycan, 28 Mayıs 1998
202 okur puanıNisan 2017 tarihinde katıldı
Bu kitabı oxuyarkən əsəbiləşməyə, personajların seçimlərinə görə pis olmağa, bəzən onları tutub başlarını divarlara vurmaq istəyinə hazır olun. Üç fərqli nəsildən olan Fəridə, İsra və Deyanın hekayəsi . Fələstində və Fələstindən köçəndən sonra Amerikada olan həyatlarını, ölkələrindən uzaq olsalar da adətlərini yaşamalarını görmək, qadının heç bir səsinin, qüvvəsinin olmaması insanı həqiqətən çox əsəbiləşdirir. Amma özlüyündə Fəridə ailədə sözünü keçirtməyi bacarmış, onları Amerikaya gətirmiş və oğulları sayəsində sözü keçən biri ola bilmişdir. Deya da Amerikada doğulduğu üçün iki mədəniyyət arasında qalıb amma sonda öz qərarlarını verməyi bacarmışdır. İsra isə son anda cəsarətini toplaya bilmişdir. O vaxta qədər daima əziyyət görən İsranın cəsarətə gəlməsini görmək insanı çox sevindirir amma təəssüf şans hər zaman qadınların yanında olmur. Hekayənin nə qədər mənfi qəhrəmanı olsa da Adam da bir yandan bu cəmiyyətdə əziyyət çəkir. Böyük uşaq olduğu üçün bütün məsuliyyət onun üzərində olur və etiraf edə bilməsə də o da İsra qədər əsirdir bu cəmiyyətdə.
Oxuduqca bir sual daima məni düşündürdü. Bütün bunların günahkarı kimdir? Bütün bunları dəyişə bilmək mümkündürmü? Bəs sizcə?
Daima azadlıq və kitabla qalın.
Bu kitabı oxuduğunuz zaman müharibənin həyatları necə məhv etdiyini, xəbərimiz belə olmadan insanların hansı qurbanlar verdiyini görürsüz. Bir oxunuşda oturub bitiriləcək kitablardan deyil çünkü oxuduqca, o əziyyətləri gördükcə bəzən heç nə etmədən sadəcə durub divara baxmaq istəyirsən. Dilə asan gəlir insanları “qaçqın” deyib damğalamaq. Amma onların çəkdiyi əziyyətlər, artıq “ev” dedikləri yerlərinin olmaması, daima yarım qalmış həyatlarını oxuduqca qınamağın necə də asan olduğunu görürsən.
Kitab Suriyadan olan Nuri və Afra İbrahim adlı cütlüyün müharibədən, itkilərdən qaçıb İngiltərədəki onlardan öncə qaçıb canını qurtara bilmiş qohumları Mustafanın yanına getmək hekayələrindən bəhs edir. Baxmayaraq ki onların pulu və pasportları var yenə də ağılalmaz çətinliklərlə üzləşirlər. Pulsuz və pasportsuz insanların başına nələr gəldiyini düşünmək isə çox çətindir. Kitab sizə çox təsir edəcək. Amma gözlərimizi yumub başımızı çevirməklə də olmur. Bəzən bilmək lazımdır. Neçə neçə həyatların siyasət qurbanı olduğunu bilmək lazımdır.
Kaş ki müharibələr, aclıq, səfalət olmaza, kaş ki insanlar bu qədər böyük qurbanlar vermək məcburiyyətində qalmasa. Bütün bunlar kaşkilərdə qalır.
Daima hüzur və kitabla qalın.
Jurnalist bir yazar Əfqanıstanda kitab mağazaları olan Sultan Han adlı birinin evində qalaraq təcrübə etdikləri ,gördükləri, eşitdiklərini roman olaraq qələmə alır. Çox axıcı bir dildə yazılmış kitabdır. Bütün bu oxuduqlarımızın real olması, indiki vəziyyətin daha betər olmasını bilmək həqiqətən adamın ürəyini ağrıdır. Bir zamanlar tarixi, mədəniyyəti ilə öyünən xalqın Taliban işğalından sonra darmadağın olması bütün incəsənət aşiqlərini depresiyaya salmağa yetər. Bu ölkədə nə qadınlar nə də kişilər azaddır. Hər kəs əsirdir. Bir zaman bu ölkənin yenə də inkişaf etmiş olmasını görmək Sultan Han kimi mənim də arzumdur.
Daha xoşbəxt bir dünyada görüşmək ümidilə.
Daima kitab və huzurla qalın.
