Dil kuştiyê awirên çavên wê
Dîl girtiyê reşmûyên çavên wê
Nam şêrîn tam şêrîn dêm şêrîn
Li hember min rabe ser xwe weke roj
Ji ber sîngê cana min de ket bişkoj
Navzirav rû gulav ser dilav
Yarê ez kuştim li min nabê êvar
Derman çi ye kes nizane bes yar
Renge rû tarî mû rinde rû
Min dil daye buhayên du sêvan
Min can daye buhayên du lêvan
Dev li ken, lêv û çen, xweş beden
Cegerxwîn
CegerxwînReklam
Germiya xwîna te ji çavên te xuya!
Delala min tu dar î ser berf û çiya
Li çavên te ên kesk mêrg û pariz hene,
Li dengê te ê nerm, girînên ziz hene
Dilê min hêlîn e, zend û destên min text Jiyîn û xweşî yî, tu î armanc û bext
Diroka spehîtî , bin lingê te de mir
Nijde zêr û ziîv te dil û can talan kir
Ez bibim destê te de piyale û piyan
Tu bibe ji min re dotmîr û sermiyan
Ser û serek bibe em gî peyayên te
Tu ewr û ezman bibe em çiyayê te
Germiya xwina te ji çavên te xuya
Wek Heyvî delalê!!! Bi ser berf û çiya
Kamiran Ali Bedirxan
Kamiran Ali BedirxanEz im generalê payizê..
Ez ê tu carî xêrnedî
Ez general im..
Generalê bi hezaran darên rût û bi milyaran pelên weşiyayî
Ez im generalê payîzê..
Şifqeya li serê min ewr e
Û stêrkên li ser milê min
çend pelên çilo yên rengzîvî
Sakoyê li min nermeba ye
Û şûreê min çiqlê dareke riziyayî
Mihemed Omer Osman
Mihemed Omer Osman