ersîn
@Xwe_4
22 okur puanı
Nisan 2019 tarihinde katıldı
Û Evdal digot,
Gulê, tu were, em herin mala me ye,
Ji te re daynim balgih-doşegê çi dare ye,
Her kî xelkê got, "îkrama Gulê ji te re çi ye?"
Ez ê bêjim, "îkrama Gulê ji serê heft bavê min zêde ye."
Gulê li bin gotin u gisên Evdal nedima û hema lê vedigerand,
Evdal çavê min reş e, bela ne,
Min rojê heft caran bi kilê sibhanê kil dane,
Lê heft dengbejê mina te, ji bo min jinên xwe berdane.
Evdal, dîsan, davête serê,
Gulê, mehrûmê, hatime Xamûrê, defê nav dawetê,
Gula Xamûrê xemilî bû, ketibû ser govendê,
Dilê min Evdalê Xwedê çiqas ketê.
Bêyî ku Gulê bisekine û li gotinên Evdal guhdarî bike, wê hema gotina xwe digot,
Evdal, mehrûmo, ji erdê mîrê te Tahar Xanê heta vira,
Xwîna sor neqitî ser keviran,
De tu were ji min re bêje "xwişkê",
Ez bêjim, "lo, bira..."
Sayfa 33
Wey can gulê,wey can gulê
Bejn ziravê, wek qamişê devê golê
Çavê reş in bi rengê hubrê
Poz bîvilnê ji nikulê kewê
Li dixe sura qetewîne
Bayê sîpanê, hewa bilêcanê
Awaz bi awaz dihejîne
Wey can gulê, lê gulê canê
Heyla xeber xweşê min bi heyranê
Şemamoka li nav bostanê
Suravêlka li nav mêrganê
Gulê te ez kuştime
Bi zarê şirîn û bi vê xeberdanê
Wey can gulê, wey can gulê, lê gulê canê ...