Faustkolnikoff
@actavsan
Şu anda okuduğu kitap
Her çiçeğin bir mevsimi, her kitabın bir zamanı vardır. Haziranın tadını yeni hikâyelerle çıkarın.
Kitab haqqında düşünəndə Tolstoyun yeddi böyük günahdan birini – ehtirası – necə dərin və təsirli şəkildə işlədyini gördüm. O, ehtirasın bir insanı uçuruma sürükləyə biləcəyini ustalıqla göstərib. Məncə, Yevgeninin “şeytan” adlandırdığı qadın əslində şeytan deyil, cəmiyyətin simvoludur. Çünki insanı yalnız öz arzuları yox, eyni zamanda cəmiyyətin təsiri də məhv edə bilər. Maraqlıdır ki, kitabın iki fərqli yerində eyni cümlə təkrarlanır: “Doğrudan da, Yevgeni İrtenyev əgər ruhi xəstə idisə, deməli, bütün insanlar eynən onun kimi ruhi xəstədir, özü də lap betərindən.” Bu ifadə, məncə, əsərin əsas ideyasını açıq şəkildə ortaya qoyur.
Bu bir həqiqətdir ki, ustad qələmlərdən çıxmış az səhifəli kitablar həmişə insana dərin düşüncələr təqdim edir. Bu kitab da onlardan biridir və hər cür mövzuya toxunur: həsəd, dostluq, sevgi, vəzifə, mövqe, mədəniyyət, siyasət və sair bu şəkildə davam edir. Baş verən absurd bir hadisənin bəzən tragikomik bir hala çevrilməsi də buraya daxildir. Oxucunu bəzi hissələrdə güldürən, lakin əksər hissələrdə düşündürən hadisələr kifayət qədər çoxdur. Tərcümə baxımından olduqca uğurlu, sürətlə oxunan və zövq verən bir əsər ortaya çıxıb. Həm zövqlü, həm də düşündürücü oxu arzulayıram…
