Aysel
@aiseldetails
312 okur puanı
Ekim 2020 tarihinde katıldı
Şu anda okuduğu kitaplar
Ah Annie.. Nə yazım, necə yazım heç bilmirəm hisslərimi. Kiçicik bir kitabla məni yenə çox uzaqlara, unutmaqda olduğum uşaqlığıma, nənəmə, onun bir daha görməyəcəyim cənnət simasına və toxuna bilməyəcəyim isti əllərinə, qucağına apardın. Dünyanın bütün bu çirkli xaosunun içində mənə yenidən özümü hiss etdirdin.
Qadın olmaq çətindir, düzdür, amma anasına, ana xəttinə bağlı bir qadın olmaq - bu bambaşqa hekayədir, hələ əgər o xəttin qırılması sənlə başlayırsa.
Reklam
Ədəbiyyatımızda yaradıcılığı ilə yanaşı ictimai mövqeyi və xarakteri ilə də seçilən qadınlardan danışanda ilk ağla gələn adlardan biri şübhəsiz Xurşudbanu Natəvan olur. Onun həyatı və şəxsiyyəti Əzizə Cəfərzadə üçün də böyük maraq doğurub. Yazıçının Natəvan haqqında uzun müddət araşdırma aparması əsərdə aydın hiss olunur. Amma bu araşdırma oxucuya “sadəcə məlumat vermək” üçün yox, hekayənin ruhuna xidmət edən şəkildə təqdim edilir.
Kitabı oxuyarkən təkcə bir tarixi şəxsiyyətin həyatına yox, bütöv bir dövrün ruhuna yaxınlaşırsan. Azərbaycan ədəbiyyatı oxumağın ən çox sevdiyim nüanslardan biri də budur, insanı köklərinə qaytarır. Uşaqlıq xatirələri, nənəmin danışdığı söhbətlər, el-obanın adətləri, o tanış hisslər yenidən canlanır.
Bəzi duyğuları anlamaq üçün onu sadəcə yaşamalı olursan, bəzilərini isə oxuduğun kitablarla yaşayırsan. 2 əlil övlada sahib olmağın ağırlığı, mümkün olmayanlar, olacaqmış kimi görünənlər, kaşkilər - minlərlə duyğunu bir araya toplayıb yaşadan həmişəki Jean - Louis Fournier səmimiyyəti.
Müəllif Sovetlərin qurulması ilə mühacirət edib və yaşadığı şəhərlərın insan faktorunu dərindən müşahidə edərək satirik şəkildə xatirələrində qeyd edib. Kitabda İstanbul və Praqanın insanları - xüsusilə mühacirətdə olanlar - haqqında yazıb, ümumi şəhər təsvirləri yoxdur. Olduqca rahat oxunan, bəzən təbəssüm etdirən, bəzən də insan xislətinin dəyişməməsinə heyfsləndirən kitabdır. Əgər satira versinizsə, bu kitabı da sevəcəksiniz.
Niderland səfirliyinin maliyyə dəstəyi ilə Alatoran Nəşriyyatı tərəfindən 'Gizli yaralar' adıyla Azərbaycan dilində çap olunub. Müəllifin yazı üslubundanmı, yoxsa tərcümədəndimi bilmirəm, bəzi hissələrdə xarakterin daxili dünyası ilə əsərin dünyası çox qarışmışdı, təkrar-təkrar oxumalı olurdum. Baxmayaraq ki, axıcı əsər idi, gözlədiyim kuliminasiya nöqtəsinə gedib çıxmaq olmurdu. Bütün qəhrəmanların hekayəsində sanki nəsə deyiləcək, amma nə zaman və necə deyə düşünərkən kitab bitdi. Tərcümə ümumi qənaətbəxş idi, bəzi korrektor xətaları var idi.
Reklam