Varisin yazılarını oxuyanda yazıçılıq üçün əsas şərtlərdən olan üç cəhət diqqətimi cəlb etdi. Onun biri dilin səlisliyi, bədiiliyi, aydın və yığcamlığıdır. Çoxdan məlum olan bir həqiqət var ki, ədəbiyyat söz sənətidir və yazıçının əsas silahı sözdür. Əgər əlinə qələm alan gənc sözün canlı, cazibədar, bəzən qılınc kimi kəsərli, bəzən də oxşamalar qədər cana yatımlı olmasına elə ilk andan əhəmiyyət verməsə, onun gələcək qələbəsinə inam azalır. Bunu ona görə deyirəm ki, çox vaxt elə hallar olur ki, gəncləri dil üzərində işlətmək əvəzinə "məzrnunu yaxşıdır, dilmi də düzəldərik", -deyə yanlış yola salırlar. Varisinə hər şeydən əvvəl dili mənim xoşuma gəldi.
İsmayıl Şıxlı
