Yenidən taleh üzümə gülmüşdü. O mənimlə bir otağa düşmüşdü. Mən Aydan, Əziz kişi, bir başqa kişi və O... Bəlkə bu doğrudan da taleyin oyunu idi, bəlkə bütün bu boyda bunker, bu boyda evakuasiya sadəcə məni onunla görüşdürə bilmək üçün lazım idi?
Görəsən bunun harası idi oyun, harası idi viktorina? Bu ki, konkret labaratoriya testi
idi, təcrübə idi. Yaxşı bəs kimə lazımdı yığsın bir şəhər adamı təcrübə eləsin? Bizim ölkəda heç normal qəbul imtahanları olmur, o ki qaldı bu cür sistemləşdirilmiş təcrübə olsun.
Tanışlığımız film və ya kitablardakı kimi qeyri-adi təsadüflər nəticəsində baş verməmişdi, ancaq düzünü desəm, mən tanışlığımızı dünyanın ən gözəl təsadüfünə belə dəyişmərəm.