Bes e metirse, kêr giha hestî
Payabilindî, welatperestî
Çekên qelsan e jar û mestî
Zana û jîr im bindestê dijmin
Çiqas dijwar e ev reng bindestî
Destan vemalin, dakevin meydan
Eger dixwazin bigrin serbestî
Ji xwe bavêjin xwarî û sistî
Cenga azadî nabe rawestî
Qonax bi qonax diçî ser çiya
Welat ta kengê wilo parçe bî
Em tev di nav de jar û şikestî
Bes e metirse, kêr giha hestî
Gotin: Cegerxwîn
Reklam
Bi Ser Çiyan Ketin
Heval megrî çiya herdem
Cihê xweşmêr û şêra ye
Dîwarê serxwebûna kurd
Ji laşê xurtemêra ye
Serfirazî bilind e, lê;
Bi xwîn û kotek û zor e
Bi jêrdeçûne bindestî
Berê kurdan li berjor e
Tenê serbestî eywan e
Bilind û berze bala ye
Tenê şûna serê min, te
Di jorê wê de vala ye
Di kurtan de eger razî
Tu dê xewnên bînî
Kirasê tirs û sawîran
Li xokî tim tu xemgînî
Ji doza xwe venabin
Dixwazin ta wekû saxin
Gelek şerm e ku em sax in
û dijmin hê dinav bax in.
Weylo kezebreşo heta do te xwe davêt nav dest û pê yî me. Le te digot min biborînin. Lê îro ji cîhê tû ketibuyi me te jî derxist. te negot malava.ma qey em evî tiştî bîrvakin. Lê tu carek ji nekevi bindesti me. Tu nizanî dinya bi dorê kezebreşo
ey pakrewan
ey mêr lawê mêran
ey ji jîyanê çav têr lawê çav têran
ancax yekî wek te bi îman
ancax yekî wek te ruhê wî têr stran
karîbû ji bo serbestîyê, bindestî bidaya ber şûran
wêran wêran wêran wêran..
ey pakrewan
ey birûsk qîza birûskan
ez ê hemû stêrkên li ezmanan
ji bo sedeqeya serê te belav bikim ji dêvla xêran
Reklam
Reklam