Kitabların görüldüyü yerdə yandırıldığı, "yanğınsöndürənlər"in vəzifəsinin kitabları yandırmaq olduğu bir dünya düşünün. Bu dünyada insanların işlərindən əlavə çoxlu boş vaxtı olsa da, heç kimin düşünməyə vaxtı yoxdur. Çünki insanların boş vaxtı lazımsız televiziya verilişləri və oyunlarla doldurulub (sizə də tanış gəldi?). Yazıçı kitabı yazarkən sanki yarım əsr sonrasını təxmin edib televiziyanın, filmlərin kitab oxumağı unutduracağını qeyd edir. Çox maraqlı və düşündürücü əsər idi.