Yine firkat nârına yandı cihân
Hasretâ gitti mübarek Ramazân
Nûr ile bulmuşdu âlem yeni cân
Firketâ gitdi mübarek Ramazân
İndi Kur'an sende ey nûru güzel
Leyle-i Kadr'inde ey kadri güzel
Gitdin ey tehlîl ü tekbîri güzel
Elvedâ gitdi mübarek Ramazân
Gâhi tesbîh u senâ vü zikr ile
Gâhi tahmîd u dua vü şükr ile
Cân bulurdu mürde diller nûr ile
Hasretâ gitdi mübarek Ramazân
Bu ay içre bağlanır dedi resûl
Cinn ü şeytan k'itmeye aslâ fuzûl
Hep dualar bunda olurdu kabûl
Firkatâ gitdi mübarek Ramazân
Cem'olup Hakk'a münâcaat edelim
Nûr-ı Kur'ân ile doğru gidelim
Bilmedik kadrin Niyâzi n'idelim
Ey dirîgâ gitdi şehr-i Ramazân.