Bu kitab haqqında yorumları oxuyuram və çox insan bəyənib. Nədənsə mən bir az sıxıldım və bitirmək üçün "tələsdim".
Mövzu olaraq global mövzu olsa da, ailə içi söhbətlərdən siyasi məsələləri müzakirə edən ilk rus yazarı olduğunu öyrənəndən sonra kitabın dəyəri gözümdə böyüdü. Leninin Şedrin əsərinə istinad etməsi, yazarın nə qədər siyasi hadisələrə hakim olduğunu göstərir.
İuduşka obrazı, məni "insan necə belə ola bilər?",- sualını dəfələrlə verdirdi.
Doğrudur, həyatımızda Tanrının yeri çox önəmlidir, ancaq baş verən hər hadisənin "qismət" adı altında anlaşılması cahillikdir. İnancımız- ona olan sevgimiz və ümidimizdəndir. Ağıl isə yaradılıb ki, hadisələrə qarşı necə lazımdır hərəkət edək. (Əlimizdə olmayan hadisələr istisnadır)
İuduşka'nın Tanrı ilə olan söhbətini bəyəndim. Rahib ona hadisələrə istinad edərək, yol göstərməyə çalışsa da, İuduşka "xəsis cahilliyi" ilə fikrindən dönmür.
Qısaca mənim üçün fərqli bir əsər oldu, Gogolu oxuduqdan sonra daha yaxşı anlayacağımı düşünürəm.
Şərhinizi çox bəyəndim deyə, fikirlərimi sizinlə bölüşmək istədim.
Xoş oxumalar. :)