Bu gün fərqli, adından klassik sevgi romanı təəssüratı bağışlasa da, qətiyyən elə olmayan bir kitab haqqında qısaca fikirlərimi bölüşəcəyəm. Sarah Jio haqqında çox eşitdiyim, lakin heç oxumadığım yazıçılardan idi. İlk tanışlığımız "Böğürtlen kışı" ilə oldu. Doğrusu, bu qədər gözləmirdim... 80 il fasilə ilə may ayının əvvəllərində baş verən qar fırtınası, iki ayrı həyat hekayəsi, övlad dərdi çəkən iki ana və gözlənilməz şəkildə birləşən həyatlar... Kitab oxucunu eyni zamanda həm 1933, həm də 2013-cü illərdə səyahətə çıxarır. Axıcı, birnəfəsə oxunacaq, təsirli və çox gözəl kitabdır. Sevərək oxuduğum, həyəcanla sonuna çatmaq istəsəm də, eyni zamanda bitməsini istəmədiyim bir kitab oldu. Son səhifələri, xüsusilə insanın qəlbinə toxunur. Sarah Jio yaradıcılığından ilk oxuduğum "Böğürtlen kışı" kitabı oldu. Və yəqin ki, bu, son olmayacaq. ("Böyürtkən qışı" - yaz fəslində, böyürtkənlərin çiçək açdığı bir dövrdə baş verən ani hava dəyişikliyi və qar yağışına verilən addır.)

Böğürtlen KışıSarah Jio · Arkadya Yayınları · 201139bin okunma

·

160 görüntüleme

Yorum yapabilmeniz için giriş yapmanız gerekmektedir.

Gönderi

Vəfa Hafiz