Qışın oğlan çağı viranə qalan bir daxma
Yuva olmuş mənə qəmdən dağılan bir daxma
Biz həqiqət dedik əslində yalan bir daxma
Olmayan villadan əladı olan bir daxma
Nəsib olsun məni də məndən alan bir daxma
Mən də uçurum kənarından asılan bir daxma
Arzular pəncərəsindən boşalan bir daxma
Səsi tənhalıq əliynən boğulan bir daxma
Atılan kimsəsiz insan atılan bir daxma
Otağım var gecə ruhum qısılan bir daxma
O səadət təməliynən qurulan bir daxma
Səmti səhrada saraydır tapılan bir daxma
Qalan ancaq mənə bənzər qocalan bir daxma
Ev olub sahibi qapıdan qovulan bir daxma
Yanıb axırda həmin axtarılan bir daxma