🌹
-Yatma, gülzarə ətir saç, bu nə röya dəmidir?
- Bülbül ahəstə gülə söylədi: - Sevda dəmidir.
Gül dedi: Eşqə düşənlər belə dalğın görünər,
Aşiqəm, indi mənimçin də bu xülya dəmidir.
Bülbülün qəlbi coşub söylədi: - Ey qönçə gülüm,
Dinlə xoş nəğməmi, bu bülbüli-şeyda dəmidir.
Meh əsib söylədi: - Bülbül necə sevməz gülünü,
Yaz gəlib, indi gülün bağçada rəna dəmidir.
Bir gözəl eşqinə, Mir Mehdi, yarat gündə qəzəl,
Gülür ilham pərisi, təbinin əla dəmidir.