1 Sensin Allah'un Habibi dertlü yürekler tabibi
Esirge sen bu garibi kıl șefa'at yâ Muhammed
2 Yediler atını yider kırklar öni sıra gider
Mustafâ șefa'at ider kıl șefâ' at yâ Muhammed
3 Medine'de vardur erler Horasân'da çokdur pirler
Bize Muhammedî dirler kıl șefa'at yâ Muhammed
4 Hulle vü tâcun hakkıçün 'arşda mirâcun hakkıçün
Hakkıla râzun hakkıçün kıl șefâ'at yâ Muhammed
5 Mustafâ șefi kânıdur dertlülerün dermânıdur
Enbiyâlar sultânıdur kıl șefâ'at yâ Muhammed
6 Yûnus dir günâhum çokdur hadd ile pâyânı yokdur
Senün rahmetün artukdur kıl șefấ'at yâ Muhammed