Tez-tez gələcəyin xəyallarıyla oynamışdım, bəlkə şair ya da peyğəmbər, bəlkə rəssam, bəlkə də tam fərqli bir adam olaraq gələcəkdə məni gözləyən rolları arzulamışdım. Bütün bunlar bir heç idi. Mən dünyaya şeir yazmaq, vəz vermək, şəkil çəkmək üçün gəlməmişdim; nə mən, nə də bir başqası elə bir məqsəd üçün dünyada mövcud idi. Bunların hamısı arada baş qaldırıb ikinci planda qalan şeylər idi. Hər kəs üçün əslində bircə məşğuliyyət vardı: Özünü tapmaq.