Bu menzil bir mürûrgâhdır mürûrgâhde karâr olmaz
Bu dünyâ bir güzergâhdır güzergâhde diyâr olmaz
Bu bir cânbâz-ı mekkârdır vefâsız bir cefâkârdır
Mürîdin ber-murâd etmez bu bir kimseye yâr olmaz
Bu bir kānûn-i kadîmdir gelen gitmek içün gelmiş
Bu bir kazâ-yı elbettir bu derde hiç timâr olmaz
Misâfirhânedir elbet gelen gider konan göçer
Bu dâr bir dâr-ı rıhletdir ikāmete bâzâr olmaz
Nice LUTFÎ gibi dildâdelerin nâ-murâd etmiş
Vefâsızın vefâsını gözetmek akla kâr olmaz