İlahe Ehmed
@iililand
İçimizdeki şeytan - Sebahattin Ali
Yazarın qələmi ilə tanışmaq üçün bu kitabı seçməyimə heç peşman olmadım. Əsəri oxumağa başlayarkən türk serialı dadında olmamasını istədim. Boş vaxt itkisindən qorxdum. Amma bu düşüncələrim tez yox olub getdi.
İki gəncin sevgisi, ailələri, yaşamaq uğrundakı mübarizələri, ümidləri, xarakterləri ən incə şəkildə bizə çatdırılır. Biz yalnız bir roman oxumuruq. Biz özümüzü oxuyuruq bəzən. İçimizdəki şeytanın nə olduğunu öyrənirik əslində...
Müəllifin də dediyi kimi,
Nə şeytanı əzizim, nə şeytanı? İçimizdə şeytan yoxdur. İçimizdə acızlik var, tənbəllik var, iradəsizlik, bilgisizlik var.
Sujet olaraq bəyəndiyim, sonluq olaraq rahatladığım amma yenə də o obraz üçün üzüldüyüm bir səfər oldu mənim üçün.
Bu əsər əslində yazarın həyatından heç də uzaq deyil. Hüseyn Nihal Atsız, Peyami Safa, Necip Fazıl kimi şəxlərin əsərdə obrazlarla canlandırıldığı da bir faktdır. Ömər isə elə Sebahattinin özüdür...
Müəllif yaşarkən təqiblərə məruz qalmışdır. Məzarı belə bilinməyən Alinin əsərləri ilə hələ də aramızda olduğunu bilmək xatirəsinə göstərilən hörmət insanı az da olsa sevindirir.
Növbəti oxuyacağım kitabı isə ən məhşur əsəri olacaq.
Hələ də çənim kimi qorxanlar varsa yaxın zamanda müəllifin əsərlərinə şans verin.
13.09.21 14:01
22.09.21 11:08
255s
Reklam
İvan İlyiçin Ölümü - Lev Tolstoy
Məhşur əsərlər müəllifindən oxuduğum bu kitab 1886-cı ildə nəşr olunub. Adından da bəlli olduğu üzrə baş obraz İvan İlyiçdir. Sadə, düz, savadlı, hüquqşünas olan İvan həyatını ən doğru şəkildə yaşamağa çalışır. Hər şeyin gərəkdiyi kimi olmasına diqqət etsə də xəstəlik onun məhvinə səbəb olur. Məncə bu spoiler hesab olunmaz. Əsərin adı bizə nə oxuyacağımızı əvvəlcədən deyir.
Güçlü hörmətli bir adam olan İvanın xəstəliklə boğuşarkən gücündən əsər qalmır.
İvan İlyiç həyatı hər zaman bütün pisliklər başqasının başına gələcəkmiş kimi yaşamış, ölümün varlığını unutmuşdur. Onunla üzləşərkən həyata baxışında yaranan dəyişikliklər, beynində yaranan suallar əslində bu sadə əsərin çatdırmaq istədiyi önəmli məqamlardandır.
Ölümü nə qədər xatırlayırıq?
Öləcəyini bilsən nələr hiss edərsən?
Ölümü gözləmək nə qədər ağırdır?
Yaşadığımız həyatın, seçimlərimizin nə qədər doğru olub olmadığını hardan bilə bilərik?
"Belki də sürdürdüğüm yaşam, sürdürmem gereken yaşam değildir"
Siz də Tolstoy qələmi ilə tanışmaq istəsəniz bu əsərə şans verə bilərsiniz.
Sonluqda keçirtdiyim hislər bu kitaba ayırdığım zamana dəyərdi.
10.09.21 10:48
12.09.21 12:16
Peter Pan - J.M.Perrie
Peter Pan adını yəqin ki, uşaqlıqda çoxumuz eşitmiş, cizgi filmini izləmişik. Mənim isə demək olar heç nə yadımda qalmamışdı. Ona görə də kitabını oxumaq istədim. Əsas səbəb isə Michael Jecksonun müsahibələrində Peter Peni çox sevdiyini demesi ve "Neverland" adı verdiyi, uşaqlar üçün kiçik bir "ölkə"yə sahib olması idi.
Əsəri oxuyarkən etdiyim araşdırmalar nəticəsində müəllifin həyatı mənə çox təsir etdi. Biz əslində müəllifin, Jamesin həyatənı oxuyuruqmuş.
James kiçikikən ailəninnən çox seviləni qardaşı David dünyasını dəyişir. Anası bu hadisədən sonra toparlana bilmir. Bir gün James qardaşının paltarlarını geyinir və onun kimi davranır. Bu isə anasının xoşuna gəlir. O həyatını David olaraq yaşayır. Hətta psixolojik cücəlik deyilən xəstəliyə də tutulur. O bu əsərin büten gəlirlərini isə xəstə uşaqlar üçün xərclənməyini vəsiət edir.
Originalı daha qaranlıq olsa da, daha çox bu halı ilə oxunmuş və sevilmiş olan əsərdə Peter heç böyüməyən, anaları və ataları sevməyən,öz dostları ilə Heçbiryer ölkəsində yaşayan bir balaca oğlandır. Ancaq tanış olduğu Wendynin onun anası olmağını istəyir. Və hadisələr maceralı bir şəkildə davam edir...
Anaları sevməyən Peteri başa düşmək olar. Axı, Jamesin də heç anası olmamışdı. Anası qardaşının anası idi..
Qısaca, kitab, müəllif haqqında və öz düşüncələrimi bölüdüyüm bu postu oxumağınızı və əsərə şans verməyinizi istəyirəm. Hətta Finding Neverlan adlı bir film tövsiyəsi də edim. Baş rollarını Johnny Depp və Kate Winsletin paylaşdığı film müəllifin həyatı, Penin yaranması mövzusundadır.
Hər kəsə xoş izləmələr və Oxumalar.
28.08.21 12:22
07.09.21 22:34