Çi gul çandin hinek kesan
Li ser axa gelek erzan û zelîl
Çi dil kuştin hinek kesan
Ji bo kesên derewker û zelûl
Helbest..
Ji min re dibêje:
Helbestekê bo min bêje
bila dêrek bim
li ser milê helbestek de.
Nizane...
Ew nizane
ku ev sedsal in
ez çi dinivîsim
ma qey min ji ku dizanî wê bi wî qasî xweş û biêş be!
û ka min ji ku dizanî ez ê piştî vî temenî bibim exsîrê tayek porê te…
komek bar û ji hesretê pêr bûye mohra navê te…
û te,
ax hezar heyf ji bo te.
dil bûye yê te
û nav tevlî navê te
hinek ji min û gelekî ji te… 🌼
Bîjî Îrade gelê kurd
Ey Kurdistan
Ey agir
Ji bo ku te bikin parçe û dagir
Hov in, êrîş dikin di dest wan de bivir
Me li dijî dijminên te yên kafir
Li jêr û li jor şerr kir
Tu nizanî bê ji bo te kî mir û kî nemir
Tu her delala ber dilê me bûyî me da te qedr
Tu yî sebr
Tu yî ahd û îman û cirr
Qet nîn e ji navê te xweşiktir zikr
Me ji bot e belqitand emr
Me qebr kir qesr
Me ji koma meytên şehîdên xwe çêkir
çiya û agir
Me ji bo te rijan hibr û hêsir
Me tu bi xwîna xwe kirî Tahir
Rênas Jiyan