Zeze
@jiyan_
LoriHelbest
Loriyek diherikî di şevê de
qêrînek xwe radipêça li deşta Baraké
bayekî mizgînî dibir ji dilên winda re
xêzek din diyar bûbû di eniya
Dayika Uveyş de
mizgîniya pêşin bû ew qêrîn
tirêjê destpêkê yê rojên bi hevî bû
zayîna pêşin a sterka hezkirinê
û tirsa pêşin a rûqilêrên Nemrûdan bû..
"Lori lori berxê min lori..."
“Kötü bir anıyı unutmanın en iyi yolu güzel bir tanesiyle değişmektir.”
Newroza DilagirHelbest
Pimê bêrîkirinên bêdawi
tên kişandin
stranek datîne ser pêta agir
navê wê azadî
ji Mazlûm, Zekiye, Ronahi
û Bêrîvanan re hatî diyarkirin
Evîn dibin stran
ji rojên asûde re
dişewite hemû çûyîn
tenêtî
metirsî
û bêdengiyên me
dibin xwelî
di wê rojê de
di Newrozê de
Newroza dilagir
rengê azadiya gelê Kurd
her roj geştir dibe agir
her roj nêzîktir dibe azadî...
NewrozHelbest
Li hespê boz siwar dibe
poperiskên wî ba
datîne xurcezînê
bêhna xwe ya sar û mirinê
li pey xwe nanêre
koç dike diçe zivistan
Bi destên xwêdandayî
dikeve rêyan lez bi lez
gula sipsipî ya hêviyê
bi hêstirkên pêşîn
dihûne jiyanê
hêdî hêdî bihara rengîn tê
Li Bozê Rewan siwar dibe
ji welatê efsaneyan
Memê Alan tê
bi evîna Zînê
peyre ji Kawayê Hesinkar tê
ê agirê pêşîn pêxistî
Agirê Newrozê
li sekûçka atêşgehan
hatiye jiyanê
di dergûşa evînê de
bi loriyên Kurdi
hatiye mezinkirin
keçika xweşik a parastgehan
buka nazenîn a serdemên qedim
bi paşila tijî hêvî tê
dema tu tê yî Newroz
Kenê te
Roj tên mijandin
di kenê te de
behr tên razandin
rûheyva welatê min
keçika serê çiya
wêneya serfiraziya min e kenê te
wêneyê hêviyê
wêneyê hesretê
dilovaniyê
ev kenê jiyanê ye
azadî dikene
û mirin dimire.
Dêrsim û Mûnzûr
Asoyek sor e Dêrsim
asoyeke ku pêşerojê difikire
li ser eniya asoyê biskeke şil e Mûzûr
mîna keziyên Besê
di navenda Dêrsimê de
tewl dide xwe diçe
Hêstirên çavê Dêrsimê ye Mûnzûr
her tim dicemide ji êşên bêdawî
kesekî derbasî aliyê din nake
Ji bilî dostan
herka wê wek stranek bi êş e
diherike li nav gelî û newalan
bênavber dilorîne, diqêrîne
dizane xwîn herikiye di demên berê de
ji êşan dîrokekê hildigire
li ser spîtiya rûyên xwe
Ava rûspîtiyê ye ji bo wê
bîranîna Seyîd Riza û Zarife
Kenê Zilanê
di dil û çavên wê de
hatiye nexşandin
Helbesta Dêrsimê ye Mûnzûr
gelek stran hatine hûnandin
li ser xweşikbûna wê
heybeta wê hatiye ziman
evîna wê bûye henaseya bilûrvanan
stranên heri delal
bi hesreta wê