Bir Sanatçı Gibi Araklayın sözleri ve alıntılarını, Bir Sanatçı Gibi Araklayın kitap alıntılarını, Bir Sanatçı Gibi Araklayın en etkileyici cümleleri ve paragragları 1000Kitap'ta bulabilirsiniz.
Harold Ramis bir dəfə öz uğurunun qaydasını bölüşmüşdü: “Otaqda ən istedadlı adamı tapın və əgər o, siz deyilsizsə yanında dayanın. Onu hər yanda izləyin. Ona yararlı olmağa çalışın”. Ramisin bəxti gətirmişdi, çünki onun “otağındakı” ən istedadlı adam dostu Bill Murrey çıxdı.
Və əgər bir gün otaqda qalan ən istedadlı adam sən olsan, onda otağı dəyişmək lazım gələcək.
Rəssam Sol Steynberq deyirdi: “İstənilən sənət nümunəsində ilk növbədə rəssamın özünü necə məhdudlaşdırdığına diqqət yetiririk”. Çox vaxt əsər müəllifin nəyisə gizlətməsi sayəsində maraqlı olur. Burada nəyi göstərib, nəyi göstərməmək balansı qanun olaraq keçərlidir. Bu insanlara nəzərən də belədir: bizi təkcə yaşadıqlarımız deyil, həm də yaşamadıqlarımız maraqlandırır. Bu qanun işdə də keçərlidir: gərək öz məhdudiyyətini təyin edib irəli gedəsən. Yekunda deyim ki, sənət əsəri təkcə bizim ona nəisə qoyduğumuzla deyil, həm də ondan kənarda qalanla səciyyələnir.
Məktəb bir şeydir, təhsil başqa şey. Bu iki məfhum reallıqda heç də həmişə uzlaşmır. Məktəbə gedib getmədiyiniz vacib deyil, əsas olan daim öyrənməkdir.Yaşadığın dünya barəsində hər şeyi bilmək həvəsin olmalıdır. Mənalarını lüğətlərdə axtarmalısan. İstinadlara keçməlisən. Hamıdan daha çox dərinə get — ancaq onda irəlidə ola
bilərsən.
Hər zaman oxu. Kitabxanaya get. İnsan kitabların əhatəsində hansısa bir möcüzəyə qapılır. Rəflərin arasında it. Biblioqrafiyaları oxu. Və yadda saxla: kitabla tanışlığa başlayan sən deyilsən, səni aparan kitab özüdür.
Birbaşa oxumağı planlaşdırmasan belə kitabları topla. Rejissor Cen Uoters dediyi kimi — “oxunulmamış kitabxanadan vacib heç nə yoxdur”.