Bu Dünyanın Hər Sifəti
Ramiz RövşənBu Dünyanın Hər Sifəti Sözleri ve Alıntıları
Bu Dünyanın Hər Sifəti sözleri ve alıntılarını, Bu Dünyanın Hər Sifəti kitap alıntılarını, Bu Dünyanın Hər Sifəti en etkileyici cümleleri ve paragragları 1000Kitap'ta bulabilirsiniz.Mənim balam,bu dünyayla oynama
Mənim balam, bu dünyayla oynama,
Sən cavansan, dünya qoca dünyadı.
Düşmən nədi, dost evini dost yıxar,
Bilən bilir, dünya necə dünyadı.
Ömrə, günə etibar yox əzəldən,
Bir də dönüb yarpaq olmaz xəzəldən,
Beşiyindən bizə tabut düzəldən, Bələyindən kəfən biçən dünyadı.
Kim nə anlar bu zalımın işindən,
Çoxlarını keçiribdi dişindən,
Möhkəm yapış papağından, başından,
Başdan papaq alıb qaçan dünyadı.
Sayfa 11Kitabı okudu
Bağışla, qapını döyə bilmirəm,
Bağışla, “sevirəm” deyə bilmirəm,
Özüm də bilmirəm niyə, bilmirəm,
Bağışla, bağışla, məni bağışla.
qulaq bir xoş sözə həsrət...
Qalıbdı göz gözə həsrət,
Əl ələ, diz dizə həsrət,
Qulaq bir xoş sözə həsrət,
Dil də, dodaq da darıxır.
Sayfa 58
Cavan olsun, ya qoca,
Zərrəcə dəxli yoxdu.
Dünyada bir kişinin
Sərçəcə ağlı yoxdu.
Göz yaşını silən kimi,
Dərdə-qəmə gülən kimi,
Dünya nədi - bilən kimi
Ömür bitir, pərdə düşür...
Hərdən yorar səni ömür də, gün də,
Hər günün öz dərdi, öz əzabı var.
Yaxşı ki, həmişə bu yer üzündə
Yolunu gözləyən doğma qapı var.
Sayfa 32 - bəzən doğma qapı belə olmur
Sifətim könlümə yatmır
Adam gərək hərdən durub
özünü salsın yadına.
Gözünü yumub
Üzünü-gözünü salsın yadına
Bu nə işdi, desin, Allah,
Sifətim könlümə yatmır.
Elə bil ki sifətimdən
Nəsə düşüb, nəsə çatmır.
Qayıtsın gəldiyi yolu.
Axtarsın düşüb itəni.
Bu uzun yollarda barı
İtirməsin sifətini..
Sayfa 76Kitabı okudu
Yaratdığı bəndələrdən
O Allahın xəbəri yox
Sayfa 85Kitabı okudu
Qarı da gör, buzu da gör,
Yaxşını da, pisi də gör,
Allah, hərdən bizi də gör
Bu doğan günün altında...
Sayfa 91