1 Neylersin ey gâfil dünyâ malını
Yiyecegin hîç fikrine düşmez mi
Bin yil 'omür sürsen bir gün ölürsün
Ölecegin hîç fikrine düşmez mi
2 Gine aklar düşdi siyâh saçına
Ölmeden tevbe et gizli suçuna
Kara yer altında kabrin içine
1 Sen bu cihâna gelmedin dünya vatan degil midi?
Yimek içmek her köşede sohbet erkân degil midi
2 Henüz dahı sen düz geldün kendözüni bu kez bildün
O senden öndin gelenler hükmi revân degil midi
3 O senden öndin gelenler cihân benümdür diyenler
Kafdan Kaf'a hükm idenler o Süleymân degil midi
4 Güvenmegil sen mâluna dayanmagıl davaruna
Kanı Kârûn kanı mâlı deryâ 'ummân degil midi
5 Yigitlige tayanuban yavuz ișe yiltenmegil
Pâdişâhlar erkânında her gün divân degil midi
6 Kanı anan kanı atan kanı hısım kardaşlarun
Sen onları görmedün mi onlar âdem degil midi
7 Kanı 'Ömer kanı 'Osmân Ebû Bekir ile Sıddik
Ol dört yârün arasında 'Alî merdân degil midi
8 Kanı Âdem kanı Havvâ dünyâ kime kıldı vefâ
Kanı Muhammed Mustafâ âhir zamân degil midi
9 Yûnus bu söz senün degül bu sözi kimden ögrendün
Biz mikdârlı âdemiye bu söz bühtân degil midi
Mefa'ilün Mefa'lün Mefa'ilün Mefa'ilün
1 Kimün ki sensin iy Kadir kamu yollarda yoldaşı
Senün emrünile anun bezenmişdür içi tașı
2 Dışında devlet erkânı içinde ma'rifet kânı
Senünle gönül vü cânı ne var gezerse tag taşı
1 Hadis-i Muhammed'den rehâ virür idi cânı
Ol Cebrâil'e ne didise ișitgil diyem anı
2 Bundan sonra yâ Cebrâil iner misin bunda didi
On kez dahi inem getürem didi on dürlü gevher kânı
3 Evvel inem bu yire berekâtı götürem didi
Halka assı olmaya didi öküş ola ziyânı
4 İkinci kardaşlardan șefkati götürem didi
Şimdicek kardaşlar bulsa
1 Gelin bir nazar eylen n'oldi cihân içinde
Niçeler toprak oldi bu az zamân içinde
2 O tâze güller soldi bülbüller ötmez oldı
Ata ana aglayup kaldı efgân içinde
3 Cânları oda yandı kuzuların kurt adı
Ardınca baka kaldı zâr u hüsrân içinde