Dîwan
Seydayê DilmeqesDîwan Gönderileri
Dîwan kitaplarını, Dîwan sözleri ve alıntılarını, Dîwan yazarlarını, Dîwan yorumları ve incelemelerini 1000Kitap'ta bulabilirsiniz.
Waye dîsa hat payîz û zivistan
Ewrên reş û tarî, mij û dûman
Dema meriv difikire li neqşa xweda
Di nav meji da namîne hiş û sewda
Ez digerim xwe nabînim
Gelo di ku da me nizanim
Lo mişko tu mişkê haro
Tu komkûj î weke gûro
Kurê turano hov û haro
Te xirab kir gund û waro
Bibî taştêya pisîka haro
Wê min avêt nava dêrê
Pişt ra min avêt mizgeftê
Wê da dest min mishefê
Got: bixwîne serê sibehê
Umeta Muhamed û ya îsa
Dest dane hev carek dîsa
Dilê min xistin çar parçe
Ezê nexweş çûm Laleşe
Li wê ketim dafa şêx Hadî
Mîna kemînên parçeyên dî
Xelas nebûm ji paşverûyan
Tim bûm pêleyistok bo wan
Her tim bûn bend û asteng
Min hîştin bê hêz û bê deng
Gunehê min hezkirîn û evîn e
Para min ket hesret û nevîn e
Elba şîr di dest e, dimeşe weke qumriye
Şera sor li serî ye, bawer im ew Torî ye
Bejin zirav e, xizêm zer e, gelo Muşî ye?
Bawer im keçika hanê çavbelek Botî ye
Min xwend li ber serê te dilbera hêja
Yasîn û tebarek û emma û qulhuwella
Rabûm zivirîm hatim, nav maleke vala
Dîsa di destê min de ma ew qedeha vala
Bi şevê şiyar bûm ji xewê saet diçû çara
Çûm ber derê oda yarê, odeke virt û vala
Ew gav serî li min geriya wek vizika zara
Ketim, nikarim rabim xwe bigrim bi dîwara
Heyva sor hat ji dûr û ji jor
Bibin alîkar bicivin li dor
Hene xêrxaz û hekîm li dor
Wek stêrkan xeleq bin li dor
Horî û perî tên dor bi dor
Gelek baş kirin derdên zor
Ew horî û periyên wek nûr
Dikin kar û barê hêsa û zor...
Guh nede van keran ew ker e
Tu çiqas bibêjî ew dîsa ker e...
Neheland min êş û jana ez tê da
Mîna peykerekî ez mam li piya
Her tim li min xistin bi balyoza
Neşikestim, ne kevir im ez pola
Dema ez borîm di nav derya
Nexeniqîm, gelo ez im Musa
Min bizmar kirin li çar dara
Hê jî dijîm gelo qey ez im îsa
Kurm dilivin di nav canê min
Nerizîm gelo qey Eyûb ez im
Min li xîzar xistin hê jî dijîm
Gelo qey Zekeriya ne ez im
Min avêtin nava ar, neşewîtim
Gelo qey ez îbrahîm Xelîl im
Wek Yûsif ez di nav zindan im
Min firotin bi buhakî erzan im
Ez ne cahil û nezan im
Gelek zana û şiyar im...
Gelek êşandin dilê mine
Lê dil hilneda, barê mine...
Xîret û îman nebûye mêvan ji te ra...