Kitabı bitirmək üçün ciddi ciddi cəbəlləşdim. Amma onu deməliyəm ki, mükəmməl bir kitabdı, sadəcə ehtiyacı olanlar oxusa daha yaxşı olar. Və kitabın daxilində olan testlərdən də məlum olduğu kimi mənim belə bir kitab oxumağa heç ehtiyacım yox idi. Çünki, içimdəki uşaqla barışıq içindəyik. Uşaqlıq travması olan,uşaqlığı yaxşı keçməyən oxucular üçün birə-bir kitabdı. Kitab əsasən içində yetişdiyimiz ailənin və yaxın çevrənin bizim iç dünyamızı və indiki duyğu, düşüncə və davranışımıza necə təsir etdiyini göstərməkdədir.
Doğan Cüceloğlu "İçimizdeki Çocuk" kitabında İç uşaq və İç ana-ata münasibətinin necə baş verdiyini, bu münasibətin duyğu, düşüncə və davranışımıza necə əks olunduğunu günlük örnəklər işlədərək sağlam mətiqli qurğusu və açıq ifadəsi ilə verir. İç dünyasında, tarazlıq və hüzur gətirmək istəyən oxuculara bir proqram çərçivəsində məşqlər təklif edir.
