Olar Səni Qucaqlayım?
Raqif RaufoğluOlar Səni Qucaqlayım? Sözleri ve Alıntıları
Olar Səni Qucaqlayım? sözleri ve alıntılarını, Olar Səni Qucaqlayım? kitap alıntılarını, Olar Səni Qucaqlayım? en etkileyici cümleleri ve paragragları 1000Kitap'ta bulabilirsiniz.Arada belə də olur. :))
Birdən elə adam yadına düşür,
İçini qəribə bir sükut yeyir.
Bəlkə də hardasa adını çəkir,
Səni lənətləyir, deyinir, söyür.
Birdən elə adam yadına düşür,
Gözlərin yığılır, dodağın qaçır.
Tez ciddiləşirsən, kimsə görməsin,
İndi icazə olar,
Bir az səni soruşmaq?
Nə qədər olar axı,
Öz-özünə danışmaq.
Yenə sevmək, vurulmaq,
Gözləməkdən yorulmaq,
Sən getmək istədiyin,
O naməlum yer olmaq
...Belə baxıram ki, mövzu da çoxdur,
Hər şeydən danışıb gic-gic gülürəm.
Elə bir məqsədim-zadım da yoxdur,
Boş-boş işə gedib, işdən gəlirəm.
Hərdən də gedirəm, dostlara dəyim,
Heç kim də soruşmur niyə azmışam,
Həvəsim də yoxdur sübut eləyim,
O şeiri o vaxtı belə yazmışam...
Telefona başqa adla,
Başqa cür qeyd olunmaq.
Oxumayan mesaj kimi,
Ancaq qeydə alınmaq.
İndi yanımda olsaydın,
Səni qucaqlayıb
Rahat yatardım,
Və belə darıxmazdım...
Yaxşı ki, yoxsan!
...İndi yanımda olsaydın,
Yanında olduğun adam da
Yoxluğunu bu qədər duymazdı...
Yaxşı ki, yoxsan!
Yaxşı ki, yoxsan!
Və mən anlayıram
Yoxluğun nə demək olduğunu.
Yaxşı ki, yoxsan!
Və mən anlayıram
Sevginin nə demək olduğunu.
Yaxşı ki, yoxsan!
Və xəbərin yoxdur ki,
Yoxsan...
Nə qədər rahatdır belə yaşamaq,
İstəyəndə varsan, istəyəndə yox.
Hər gün bitdi demək, hər gün başlamaq,
Əlavə izahat istəyən də yox.
Nə qədər rahatdır yanına gəlmək,
Vaxtımı da boş-boş almayacaqsan.
Nə qədər, nə qədər gözəldir bilmək,
Yoxsan, olmamısan, olmayacaqsan.