QARANLIQ GÜNƏŞ: XEYRİN ÇÖKÜŞÜ
.
Azərbaycanda bədii-fantastik janrda yazılan ilk kitab məhz "Qaranlıq Günəş" seriyasının ilk kitabı hesab edilir. Seriya 3 kitabdan ibarətdir.
Əvvəla, onu qeyd edim ki, kitabın ilk səhifələrində məzmunu tam anlamaya bilərsiniz. Qəribə şəxs və yer adları sizi çaşdıra bilər. Bununla belə, oxuduqca hər detal sizə aydın olacaq. Kitabı oxuduqca elə hiss edirdim ki, sanki hansısa dünyaca şöhrətli fantastika yazarının dilimizə tərcümə olunmuş əsərini mütaliə edirəm. Çox maraqlıdır kitab və sizə də tövsiyə edirəm. Məzmun haqqında ətraflı məlumat vermək istəmirəm, çünki özünüz oxuyub anlasanız, daha yaxşı olar, fikrimcə.
Mən kitabın məzmunu ilə yanaşı, yazısındakı, durğu işarələrindəki xətalara da çox diqqət yetirirəm. Kitabla bağlı bircə bu iradım var ki, punktuasiyada müəyyən səhvlər mövcud idi. Amma kitab sizi elə cəlb edir və elə axıcıdır ki, həmin səhvlərə də nəzər yetirmirsiniz.
Gənc yazıçımıza öz fəaliyyətində uğurlar! II və III kitabların nəşrini səbirsizliklə gözləyirəm!