Marc Levy'dən oxuduğum ilk kitab idi.Bu kitabı haqqında eşitməmişdim.Ama istər mövzüsü,istər obrazları dəyərləndirmədə 10 verməyimə səbəb oldu.Ümumiyyətlə,dedektiv mövzülü roman yazmaq,məncə,xüsusi istedad tələb edir.
Kitabın mövzusu mənim üçün fərqli deyildi ,əslində:axtarılan bir sirr.Ama seçilən məkanlar və axtarılan o sirr kitabı fərqli edən cəhətləri idi.Bir hissəsi Arktikada keçən buzlu bir roman necə maraqsız ola bilər?!
Kimlərinsə mənafeyi və maddiyyat uğruna gedən qurbanlar və açılmağına icazə verilməyən sənədlər...
Həqiqətən kitabı oxuyarkən bəzi məlumatların və sənədlərin üstündən illər keçməsinə baxmayaraq,bilindiyi halda necə dəyişikliklərə,sensasiya səbəb ola biləcəyini təsəvvür etdim.
Kitabın sonu baxışına görə kimisə məyus,kimisə məmnun edə bilər.Ama ən azından öz adımdan deyirəm,mən nələrsə öyrəndim.
Və həyatda unutmayacağım bir reallığı mənə aşıladı.
•Cəsarət qorxudan daha güclü bir hissdir.