Sağlığında Qiymət Verin İnsanlara kitaplarını, Sağlığında Qiymət Verin İnsanlara sözleri ve alıntılarını, Sağlığında Qiymət Verin İnsanlara yazarlarını, Sağlığında Qiymət Verin İnsanlara yorumları ve incelemelerini 1000Kitap'ta bulabilirsiniz.
Nə gündəydi, indi qalıb nə günə,
Gözdən düşüb gözdə olan – bu millət.
Yas günündə toy eləyir özünə,
Toy günündə yasda olur – bu millət...
Vətən yanır heç pozmayır keyfini,
Xidmət edir öz nəfsinə, cibinə,
Düşüb zülmət bir quyunun dibinə,
Zaman-zaman üzdə olan – bu millət...
Başlanıbdır soyqırımı, ölümü,
Nə biləsən bəlkə məhşər günüdür,
Neçə yerə parçalanıb, bölünüb,
Neçə-neçə dəstə olub – bu millət...
Yaşamaq çətindir, unutmaq asan,
Nə qədər canım var, nə qədər sağam...
Ölü diriltməyi bacarmasam da,
Mən səni ölməyə qoymayacağam,
Xatirə olmağa qoymayacağam...
Bir arzum var,
ay adamlar, qoyun deyim,
Sağlığında qiymət verin insanlara,
Yaxşılara sağlığında yaxşı deyin,
Sağlığında yaman deyin yamanlara.
Yalnız, yalnız sağ olanda,
Hər kəs əsil qiymətini bilər onda;
Bu sözlərim düz olmasa töhmət edin.
Sizdən rica eləyirəm milyon kərə,
Şairlərə sağlığında hörmət edin,
Sağlığında heykəl qoyun
Zaman-zaman dost dediyin,
Tonlarla çörək yediyin,
Elə dəyişir ki, birdən,
Ayağın üzülür yerdən...
Dönür düşmənə, yağıya,
Qazır sənin ayağını...
Görürsən yadla əlbirdir,
Ha tanı, tanımaq olmur...
İnsan müəmmadır, sirrdir,
İnsanı tanımaq olmur,
Ən uzaq dünya insandır,
Ümman da insandan dayaz...
Ən dərin dərə insandır,
O dərinə girmək olmaz...
Həyat əzəldən bəri
Onu duyan kəslərin.
Bu dünya igidlərin,
Bu dünya dönməzlərin...
Həyat əzəldən bəri
Vüsal gözləyənlərin,
Bu dünya sevənlərin,
Onu istəyənlərin...