Kitaba xalq şairi Cabir Novruzun yaradıcılıq illərindəki ən seçmə şeirləri daxil edilib. Vətən həsrəti, Qarabağ müharibəsi, Təbriz-Ərdəbil nisgili, valideyn itkisi, bacısının və həyat yoldaşının dünyadan vaxtsız köçməsi şairin qəlbində dərin yaralar salmış, dərd yükünü çoxaltmışdır. Kaş, bu günləri ən çox da Qarabağ həsrəti, bütöv Azərbaycan həsrəti çəkə-çəkə dünyadan nakam köçən şairlərimiz görəydi.. Cabir Novruzun qiymətli şeirləri dinlədikcə könlümüzü oxşayan nəğmələrdə yaşayır. Nəğməli şeirləri oxuyarkən zümzümə etməkdən, Yalçın Rzazadə və Oqtay Kazıminin ifalarında dinləməkdən böyük zövq aldım!