Seçilmiş Əsərləri kitaplarını, Seçilmiş Əsərləri sözleri ve alıntılarını, Seçilmiş Əsərləri yazarlarını, Seçilmiş Əsərləri yorumları ve incelemelerini 1000Kitap'ta bulabilirsiniz.
Bu ilğımdı - üzü gülər,
Boş vədələr yordu məni.
Yüzü ağlar, yüxü gülər
Xatirələr yordu məni.
Dadı, duzu - doyulmazdı,
İşıq kimi yuyulmazdı,
Duyğu kimi duyulmazdı,
Şirin dillər yordu məni.
Qarlı zirvə, yaxan mənəm,
Öz başıma yağan mənəm.
Qılınc mənəm, qalxan mənəm,
Xatirələr yordu məni.
Qayanın hər üzü qaya,
Qayadan baxmadım aya.
Həsrətin həsrət o taya,
Aylar, illər yordu məni.
Sən bu səmtə yön görmədin,
Kor da gördü, sən görmədin,
Ha yol getdim, son görmədim,
Xatirələr yordu məni.
1983
Vaxtında gəlmədin…Mən məndim onda,
Qanadım yerində,
Qolum yerində.
Mən onda eşqimin ağ otağında
Olsam da, olardım qurum yerində.
Vaxtında gəlmədin. Bir çıxaq yola,
Bir gedək bir ömrün sonuna kimi.
Yollarda yorulaq, yolları yoraq,
Qəlbimiz baş-başa sönənə kimi.
Mən də çox ürəyə od dartdım, hədər,
Heç vaxta sığmadı havalı vaxtım.
Caynaqdan,