Hakkında
Məmməd Araz 1933-cü il oktyabr ayının 14-də Şahbuz rayonunda anadan olub. Burada orta məktəbi bitirdikdən sonra Azərbaycan Pedaqoji İnstitutunda təhsil alıb. Tələbəlik illərində institutda yazıçı İsmayıl Şıxlının rəhbərlik etdiyi ədəbiyyat dərnəyinin məşğələlərində fəal iştirak etmişdir. Burada bəyənilən "Yanın, işıqlarım" şeiri 1952-ci ildə çap edilib. 1954-cü ildə ali təhsilini başa vuran Məmməd Araz əmək fəaliyyətinə doğma kəndindəki orta məktəbdə müəllimliklə başlayıb, sonra Bakıya köçüb Azərbaycan SSR Nazirlər Soveti yanında Baş Mətbuat İdarəsində müvəkkil işləyib. 1959–1961-ci illərdə Moskvada Yazıçılar İttifaqı nəzdindəki Ali Ədəbiyyat Kurslarının müdavimi olub. Sonra "Ulduz" jurnalının məsul katibi, "Ədəbiyyat və incəsənət" qəzetində, Azərbaycan Dövlət Nəşriyyatında baş redaktorun müavini olmuşdur.
1974-cü ildən ömrünün sonuna kimi "Azərbaycan Təbiəti" jurnalının baş redaktoru olub. Uzun müddət Azərbaycan Yazıçılar İttifaqının poeziya bölməsinə rəhbərlik edib. Xidmətlərinə görə Azərbaycan Respublikasının İstiqlal ordeni (1995), bir medalla və Azərbaycan SSR Ali Soveti Rəyasət Heyətinin Fəxri Fərmanları ilə təltif edilmişdir. Hacı Zeynalabdin Tağıyev adına milli mükafatın laureatıdır (1992). Onun adına "Məmməd Araz" mükafatı təsis olunmuşdur (1993-cü ildən).
2004-cü ilin 1 dekabrında Bakıda vəfat edib və Fəxri Xiyabanda dəfn olunub.
Azərbaycan Milli İstiqlal Partiyasının baş katibi Əli Orucovun dediyinə görə Məmməd Araz Azərbaycan Milli İstiqlal Partiyasının üzvü olmuşdur.
Tam adı:
Məmməd İnfil oğlu İbrahimov
Unvan:
Şair, Publisist, Tərcüməçi
Doğum:
Nursu, Naxçıvan MSSR, Azərbaycan, 14 Ekim 1933
Ölüm:
Bakı, Azərbaycan, 1 Aralık 2004
Okurlar
22 okur beğendi.
50 okur okudu.
1 okur okuyor.
9 okur okuyacak.
1 okur yarım bıraktı.
Sözler ve Alıntılar
Fikirlər dolanır başımda min-min,
Görən doğrudanmı oxunmur şeir?
Görən doğrudanmı insan qəlbinin
İncə hisslərinə toxunmur şeir?
Sayfa 43Kitabı okudu
Bir də ki, dünyaya gələn gedəcək,
Ölümə yalvarma, ümid nahaqdır.
Sayfa 27Kitabı yarım bıraktı
Soruşdum birindən şairəmmi mən?
Özüm ki, özümü öyə bilmərəm!
Cavabı asanca qopdu dilindən:
- Hələ ölməmisən, deyə bilmərəm...
MƏNİM DƏ YAŞIM AZ DEYİL
Mənim də yaşım az deyil,
Bu dünyada nə görmədim!
Bir-birinə yamaq gördüm,
Calaq qərinə görmədim!
Çiçəyindən alağı çox,
Kişisindən papağı çox,
Köpəyindən yalağı çox,
Sayfa 194
Hər insan dünyası sirli bir ada,
Söz əyə bilsə də söz udmur məni.
Özümün verdiyim suallara da
Özümün cavabı ovutmur məni
İletiler
yüz il qulağımın dibində qışqır,
ürək eşitməsə,
qulaq eşitmir.
🍃
Məmməd Araz
Gözəl
Yenə varaqlandı könül kitabım,
Bir sənin, bir sənin eşqinlə, gözəl.
Düşündüm gül açır, bülbül oxuyur,
Bir sənin, bir sənin eşqinlə, gözəl.
Sinəmə bir eşqin sazını asdım,
Hər könül nəğməmi o dedi, yazdım.
Çox eşqin səsinə qulaq da asdım,
Bir sənin, bir sənin eşqinlə, gözəl.
Gah odsuz, alovsuz pərvanə oldum,
Eşqinlə güləcək divanə oldum.
Bəlkə yüz gözələ biganə oldum,
Bir sənin, bir sənin eşqinlə, gözəl.
Qəm-kədər üzünə tutanda pərdə,
Qəmləndi çaylar da, şəlalələr də.
Sandım-doğur günəş, gülür səhər də,
Bir sənin, bir sənin eşqinlə, gözəl.
Sənsiz bir anıma dedim bir ildi,
Dərdimi nə bacı, nə ana bildi.
Məhəbbət önündə qəddim əyildi,
Bir sənin, bir sənin eşqinlə, gözəl.
Məmməd Araz
Məni şeirimdə gəz, bir insan kimi.
Qəlbimdə nə varsa, ona demişəm.
Anadan-bacıdan gizlətdiyimi
Kağızdan, qələmdən gizlətməmişəm.🍃
Məmməd Araz
Yorumlar ve İncelemeler
Henüz kayıt yok