Sevgi açarı
Ramiz RövşənEn Beğenilen Sevgi açarı Sözleri ve Alıntıları
En Beğenilen Sevgi açarı sözleri ve alıntılarını, en beğenilen Sevgi açarı kitap alıntılarını, etkileyici sözleri 1000Kitap'ta bulabilirsiniz.
Səhər ölmək istəyirəm,
Gecə ölsəm, bağışla.
Bilmirəm necə yaşadım,
Necə ölsəm, bağışla.
Bu sevgi deyil ki, bəladı, bəla,
Bu dibsiz dənizə bizi kim atdı?!
Daha nə sən varsan, nə də mən varam;
Sən məndə boğuldun,
mən səndə batdım...
Yenə bu şəhərdə üz-üzə gəldik,
Neyləyək, ayrıca şəhərimiz yox.
Bəlkə də biz xoşbəxt ola bilərdik,
Bəlkə də xoşbəxtik,xəbərimiz yox.
Aradan nə qədər il keçib görən,
Tanıya bilmədim, məni bağışla.
Mən elə bilirdim, sənsiz ölərəm,
Mən sənsiz ölmədim,məni bağışla!
"Ölmədim" deyirəm,nə bilim axı,
Bəlkə də mən sənsiz ölmüşəm elə, Qəbirsiz-kəfənsiz ölmüşəm elə.
Sayfa 146Kitabı okudu
Dəyişdim mən səni görəndən bəri,
Mənə nə etdinsə, təkcə sən etdin.
Sənsiz bu şəhərdə qəribdim, qərib,
Mənə bu şəhəri sən vətən etdin.
Səni sənsiz Sevmək.......
Seni sensiz sevmek daha asandi
En isti yataqda sensiz usumek,
Seni arzulamaq,seni dusunmek
Seni sensiz sevmek daha asandi....
Bes seni.özünle sevmek necədi?
Nazınla,sözünlə,umu küsünlə,
Çatılmış qaşınla,ağlar gözünlə,
Turşumuş üzünlə sevmək necədi?
Hərdən səndən bezib günlər uzunu
Səni küsdürərək sevmək necədi?
Sonra bir öpüşlə yumub ağzını
Səni susduraraq sevmək necədi?!
Səni sənsiz sevmək boş sözdü,boş söz
Korun gözündəki eynək kimidi
Səni sənsiz sevmək gülü ətirsiz
Çırağı işıqsız sevmək kimidi....
Sayfa 70 - 1975-ci ilKitabı okudu
Nə çiçək verməyə bir kimsəmiz var,
Nə bir kimsəmiz var çiçək ummağa..
O gedən qatarın dalınca baxdım,
Dedim, bu gecəni çətin dözərəm.
Bir az da keçsəydi ağlayacaqdım,
Yaxşı ki, gülməyim tutdu özümə.
Çoxdu hirsi, acığı
yarı yolda sönənlər.
Bir vaxt çırpıb çıxdığı
qapılara dönənlər.
Onda mən lap cavandım,
nə görmüşdüm mən axı?
Ömrüm hələ yavandı,
yoxdu dərdim, günahım.
Hərə öz dərdini apardı getdi,
Bəs niyə dərdimiz azalmadı heç?
Niyə Leyli-Məcnun ola bilmədik?
Onlardan nəyimiz axı pis oldu?
Biz sevgi yolunda ölə bilmədik,
Ölən biz olmadıq, sevgimiz oldu.
...Bu da belə bir nağıldı yalandan,
Sən ki yoxsan, getdiyin o gedəndi.